- Қайси томон биринчи бўлиб гол урса, ўша ғалаба қозониши кўриниб турганди. Ҳисобни очиш қўқонликларга насиб этди ва... Баҳром Ҳайдаров («Сурхон» бош мураббийи).

- Шогирдларим якка курашларда кўп енгилишди. Фикримча, шу  туфайли мағлубиятга учрадик. Андрей Фёдоров («Локомотив» бош мураббийи).

- Бугун аслида йирик ҳисобда ғалаба қозонишимиз мумкин эди, бироқ вазиятлардан фойдаланолмадик. Вадим Абрамов («Бунёдкор» бош мураббийи).

- «Сўғдиёна» «автобус» тактикасида ўйнамайди. Ҳар ҳолда, «Андижон»га қарши ўйинда ҳимоядан ўйнашимиз ярашмайди. Улуғбек Бақоев («Сўғдиёна» бош мураббийи).

- Нима ҳам дердим?! 90 дақиқа давомида чамаси 20та вазият яратдик. Бироқ олдинги беллашувларда ҳам кўзга ташланган камчилик - имкониятлардан фойдаланмаслик масаласи панд берди. Рўзиқул Бердиев («Насаф» бош мураббийи).

- Таркибда нега умуман ўзгариш қилмадик? Сабаби  оддий - аввалги ўйинларда айнан ўзгаришлардан ке­йин ўйинимиз бузилиб кетди. Тачмурод Агамуродов («Қизилқум» бош мураббийи).

- Бундай жамоаларга қарши ўйинда тезкор гол уриш муҳим. Шунда рақибнинг режаси бузилади, у чуқур ҳимоядан чиқади. Миржалол Қосимов (АГМК бош мураббийи).

ТУР ҚАҲРАМОНИ - АЗИЗ ТУРҒУНБОЕВ

Сўнгги пайтларда мухлислар танқидига йўлиққан маҳоратли ярим ҳимоячи яна аввалги даражасига қайтаётган кўринади. Аввалги турда «Бухоро» дарвозасини ишғол қилган Азиз Турғунбоев бу сафар «Нав­баҳор»нинг «Металлург» майдонидан муҳим ғалаба билан қайтишида бош ролни бажарди. Унинг имзосидаги «дубль» «лочинлар»га 3 очкодан ташқари, катта ишонч бахш этди. Шуни инобатга олган ҳолда, бу гал тур қаҳрамони сифатида айнан «Навбаҳор»нинг 10-рақамли футболчисини танладик. Айтганча, Турғунбоев Ўзбекистон чемпионатида иккинчи марта «дубл»га эришди. Энг қизиғи, у биринчи «дубл»ни 2017 йили айнан «Металлург» билан ўйинда нишонлаганди.

Турнир жадвали Учрашувлар

	1	Пахтакор	6	5	0	1	16-3	15
	2	АГМК	6	4	2	0	7-2	14
	3	Қўқон-1912	6	4	0	2	12-3	12
	4	Насаф	6	3	3	0	9-5	12
	5	Бунёдкор	6	4	0	2	7-8	12
	6	Навбаҳор	6	3	2	1	10-5	11
	7	Металлург	6	3	1	2	9-8	10
	8	Сўғдиёна	6	2	2	2	6-8	8
	9	Машъал	6	1	3	2	6-5	6
	10	Локомотив	6	2	0	4	6-10	6
	11	Сурхон	6	1	1	4	6-12	4
	12	Андижон	6	0	3	3	5-9	3
	13	Бухоро	6	0	2	4	2-13	2
	14	Қизилқум	6	0	1	5	3-13	1

Тўпурарлар

Драган Черан («Пахтакор») - 6та (1та - пен.)

Бобур Абдухолиқов («Насаф») - 4та

Станислав Андреев («Металлург») - 4та (3та - пен.)

Мурод Холмуҳаммедов («Қўқон-1912») - 4та (2та - пен.)...

1 июль (чоршанба)

19:00 «ЛОКОМОТИВ» - «ҚИЗИЛҚУМ»

19:00 «АНДИЖОН» - «БУНЁДКОР»

19:00 «ҚЎҚОН-1912» - «МАШЪАЛ»

2 июль (пайшанба)

20:00 «ПАХТАКОР» - «СУРХОН»

20:00 «НАВБАҲОР» - «СЎҒДИЁНА»

20:00 АГМК - «НАСАФ»

19:00 «БУХОРО» - «МЕТАЛЛУРГ»

Аввалроқ «Андижон» - «Бунёдкор» учрашуви жойи ўзгаргани ва учрашув Тошкентда ўтказилиши ҳақида хабар берилган эди. Сабаб - жамоаларнинг иккинчи давра доирасидаги ўйини U-19 белгиси остидаги Осиё чемпионати пайтига тўғри келади ва ўша вақтда «Бун­ёдкор» стадиони банд бўлади. Аммо кузда Ўзбекистон миллий жамоаси Тожикистон термасига қарши ўртоқлик учрашувини айнан «Бунёдкор» аренасида ўтказиши боис, тақвим ўзгаришсиз қолди.