Саломатлиги туфайли 3 йил (3 ЙИЛ) ўйнамаган «Вильярреал» сардори 3 дақиқага қайтди ва бутун жамоа уни тик турган ҳолда олқишлади. Бруно Сориано - футболчилик фаолиятини тўлиқ «Вильярреал»га бағишлаган содиқ фахрий. У барча турнирларда «сариқ сувости кемаси» сафида 400 мартадан кўп майдонга тушган. Бруно вақтида Испания терма жамоасига ҳам жалб этилган (Евро-2016 доирасидаги 2та ўйинга захирадан қўшилган). «Вильярреал» 2017 йилнинг май ойида Ла Лиганинг охирги турида «Валенсия»ни енгди ва чемпионатни 5-ўринда якунлаб, яхши кайфиятда таътилга чиқди. Ўша вақт Сориано кейинги 3 йил давомида расмий ўйинларда майдонга тушолмаслигини билмасди...
«Вильярреал» сардорини ўша вақтдаёқ тиззасидаги оғриқ безовта қиларди, 2017 йилнинг июлида ташкиллаштирилган ўртоқлик ўйинида рўй берган тўқнашув эса барчасини янада кескинлаштирди: жароҳатнинг қайталаниши, якуни йўқ муолажалар, операция... Сориано бунга қадар фаолиятида атиги бир марта жиддий жароҳатга йўлиққан ва 2015 йили февраль - май оралиғида майдонга тушолмаганди. Бунисида эса нақ 3 йил четда қолди-я.
Мана, Европанинг кучли 5та миллий чемпионатлари футболчилари орасида энг кўп «дам олган» Сориано ўтган ҳафта «Севилья»га қарши кечган ўйин (2:2) тугашига 3 дақиқа қолганида майдонга қайтди ва сариқ карточка олишга ҳам улгурди. Ўйиндан сўнг клуб президентининг шахсан ўзи фахрий футболчини қучоқлаб, уни алоҳида табриклади, кийиниш хонасида эса ҳақиқий байрам кузатилди. «Тўғриси, ҳаттоки, нима дейишни ҳам билмайман, ахир узоқ вақт ўйнамадим, - деди Сорианонинг ўзи. - Бир неча уринишлардан кейинги қайтиш мен учун дарҳақиқат, жуда муҳим».
Сориано 16 ёшидан буён «Вильярреал» тизимида. Тўғри, футболчи аввалига ўз савиясини паст баҳолаб, атиги 2 минг аҳолиси бор жонажон қишлоғи - Артанга қайтган. Лекин клуб уни дарҳол чақириб олиб, «Вильярреал» ўринбосарлар жамоаси сафига қўшган. Давоми оддий - асосий таркибдаги дебют, еврокубоклар, миллий жамоа ва сардорлик боғичи... «Вильярреал» Ла Лигадан тушиб кетган мавсум Сорианони «Валенсия»га чорлашган, аммо футболчи аниқ таклифни рад этди. Чунки у қадрдон клубига элитага қайтишда ёрдам беришни хоҳлади. Ёрдам берди ҳам. Дейлик, жиддий жароҳатга йўлиқишига қадар нақ 10 йил давомида ҳар мавсум камида 40та ўйинда иштирок этди. Укасининг айтишига қараганда, Бруно ўйнолмаган 3 йиллик даврда Сорианолар оиласида муҳит қайсидир даражада жаҳаннамга айланган. Ҳаттоки, яқинлари унинг олдида футбол ҳақида бир оғиз ҳам гап айтишмаган. Бруно ҳозир 36 ёшда. 30 июнь куни унинг «Вильярреал» билан амалдаги шартномаси муддати якунига етди. Энди нима бўлади - буни вақт кўрсатади...
-----------------------------------------
P.S.: Бруно Сориано «Вильярреал»нинг «Валенсия»га қарши кейинги ўйинида 65-дақиқада майдонга
А.ҲАМИДОВ тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20