Сизнингча, футболчиларнинг трансфер қиймати нуқтаи назаридан Англия Премьер-лигаси олдиндами ёки Испания Ла Лигаси? Сир эмас, бугунги кунда АПЛ футбол оламининг бош миллий чемпионати сифатида тилга олинмоқда. Чунончи, Англия биринчилиги ҳар томонлама устунликка эга - ҳам рақобат, ҳам юлдузлар сафи, ҳам молиявий қудрат бўйича. Хусусан, АПЛ ва Ла Лигадаги энг қимматбаҳо футболчиларга назар солсак ҳам, ўртада бинойидек фарқ вужудга келгани кўзга ташланади.

***  АПЛда трансфери 100 миллион евродан баланд футболчилар сони 5 нафар. Испанияда эса биргина Лионель Мессининг баҳоси 100 «лимон»­дан баланд.

***  АПЛ ва Ла Лигадаги энг қимматбаҳо футболчилар баҳоси ўртасидаги фарқ 16 миллион еврога тенг. Яъни Раҳим Стерлинг («Манчестер Сити») нарх бобида «Барса» етакчисидан шунча «оғир»роқ.

***  Умуман, АПЛнинг 5 нафар вакили Ла Лига қиролидан қимматроқ.

***  Энг қимматбаҳо 10 нафар футболчининг жами суммаси бўйича ҳисоб-китоб қилсак, АПЛ яққол устун: 1 миллиард 27 миллионга 793 миллион!

АПЛ: 10 нафар энг Қимматбаҳо футболчи

1. Раҳим Стерлинг («Манчестер Сити») - 128 млн. евро

2. Муҳаммад Салоҳ («Ливерпуль») - 120 млн. евро

3. Садио Мане («Ливерпуль») - 120 млн. евро

4. Кевин де Брюйне («Манчестер Сити») - 120 млн. евро

5. Гарри Кейн («Тоттенхэм») - 120 млн. евро

6. Трент Александр-Арнольд («Ливерпуль») - 99 млн. евро

7. Н~Голо Канте («Челси») - 80 млн. евро

8. Виржиль ван Дейк («Ливерпуль») - 80 млн. евро

9. Лерой Сане («Манчестер Сити») - 80 млн. евро

10. Бернарду Сильва («Манчестер Сити») - 80 млн. евро

Ла лига: 10 нафар энг Қимматбаҳо

футболчи

1. Лионель Месси («Барселона») - 112 млн. евро

2. Антуан Гризманн («Барселона») - 96 млн. евро

3. Жоау Фелиш («Атлетико») - 81 млн. евро

4. Ян Облак («Атлетико») - 80 млн. евро

5. Эден Азар («Реал») - 80 млн. евро

6. Френки де Йонг («Барселона») - 72 млн. евро

7. Сауль Ньигес («Атлетико») - 72 млн. евро

8. Марк-Андре тер Штеген («Барселона») - 72 млн. евро

9. Рафаэль Варан («Реал») - 64 млн. евро

10. Каземиро («Реал») - 64 млн. евро