Бундан бир неча дақиқа олдин Coca Cola суперлигаси 8-тур доирасидаги АГМК – “Қўқон-1912” жамоалари ўртасидаги учрашув бўлиб ўтди.
Учрашув мехмонларнинг фаоллиги билан бошланди. Қўқонликлар илк дақиқалардан ҳужумга зўр беришди. 5-дақиқада Мурод Холмуҳаммедовнинг жаримадан йўллаган зарбаси бироз юқоридан кетди. 8-дақиқада майдон эгалари бурчак зарбасини амалга оширишди. Бироқ водийлик ҳимоячилар хавфни бартараф этишди. 11-дақиқада Шоҳназар Норбеков рақиб дарвозабони билан бирга-бир чиқиб бораётган эди. Уни қўполлик билан тўхтатиб қолишди. Холмуҳаммедовнинг зарбаси кучли ва аниқ чиққан эди. Султонов тўпни қийинчилик билан бартараф этди. 23-дақиқада “Қўқон-1912” ижросида яна бир хавфли вазият вужудга келди. Қувондиқ Рўзиевнинг зарбаси юқоридан кетди. 29-дақиқада Бердиевнинг узатмасидан сўнг Райевац боши билан зарба йўллаган эди. Зарба кучсиз чиқди. 39-дақиқада бурчак зарбасидан сўнг мезбонларнинг зарбасини аввалига дарвоза устуни, сўнгра эса дарвозабонқайтариб қолди. 44-дақиқада жарима зарбасидан сўнг Норбековнинг боши билан берган зарбаси юқоридан кетди. Танаффусга жамоалар шу ҳисобда чиқиб кетишди.
Иккинчи бўлим ҳам худди биринчиси каби шиддатли ҳужумлар остида бошланди. 53-дақиқада ҳаволатиб узатилган тўпни Раҳмонов узоқдан боши билан дарвозага тушириб қўйишига сал қолди. 54-дақиқада майдон эгалари ҳисобни очишди. Элгужа Григалашвили рақиб дарвозабони билан бирга-бир вазиятга чиқиб борди ва имкониятдан унумли фойдаланди. Орадан икки дақиқа ўтиб мезбонлар томонидан “Қўқон-1912 ”дарвозасига даҳшатли гол урилди. Санжар Турсунов майдон марказидан туриб дарвозани ишғол қилди. Турсунов рақиб дарвозабонининг олдинга чиқиб кетганлигини кўриб қолди ва майдоннинг АГМК жамоаси жойлашган томонидан зарба йўллаб ҳисобни 2:0 кўринишига олиб келди. 65-дақиқада қўқонлик футболчилар жарима тўпи тепиш ҳуқуқига эга бўлишди. Зарбани эса рақиб қайтариб қолди. 72-дақиқада Шоҳназар Норбеков ўнг қанотдан жарима майдончасига кириб жуда яхши узатмани амалга оширган эди. Тўпга оёғини қўядиган футболчи топилмади.
90-дақиқада захирадан майдонга тушган “Қўқон-1912” футболчиси Якуба Бамба ҳисобни қисқартирди.
Қолган дақиқаларда жамоларз ҳарчанд уринишмасин, ҳисобни ўзгартира олишмади ва шу тариқа, қўқонликлар Олмалиқда мағлубиятга учрашди.
Coca Cola суперлигаси
8-тур
АГМК - "Қўқон-1912" - 2:1 (0:0)
Ҳакамлар: Темур Тўхтасинов, Анвар Маражабов, Зиёдулла Абдураҳмонов, Ғайрат Жўраев.
Назоратчи: Дмитрий Роман.
Комиссар: Ахмед Тиллаев.
Голлар: Элгужа Григалашвили (54), Санжар Турсунов (56). – Якуба Бамба (90).
АГМК: 32. Суҳроб Султонов, 4. Миржамол Қосимов (77. Арслонмират Аманов -61), 6. Эркин Байдуллаев, 7. Элгужа Григалашвили, 17. Санжар Турсунов (10. Шаҳзод Нурматов – 87), 18. Баҳром Абдураҳимов (88. Игорь Зонич-69), 20. Мирғиёс Сулаймонов, 21. Мате Ватсадзе (9. Зафар Полвонов – 61), 23. Йован Жокич, 31. Сайдулло Раҳматов (3. Сардор Раҳмонов – 46), 44. Бобур Йўлдошев.
Захира: 35. Валижон Раҳимов, 2. Акмал Шораҳмедов, 5. Дилшод Жўраев, 11. Мурод Тошматов.
“Қўқон-1912”: 1. Ботирали Эргашев, 3. Бобуржон Акбаров, 7. Шоҳназар Норбеков, 9. Суҳроб Бердиев (22. Муҳаммаданас Ҳасанов – 65), 10. Қувондиқ Рўзиев (91. Якуба Бамба – 84), 15. Ойбек Рустамов, 20. Иқбол Маликжонов (17. Музаффар Музаффаров – 57), 23. Александр Мерзляков (8. Суҳроб Нуруллоев -84), 33. Иван Йосович, 69. Филип Райевац (19. Ҳамидилло Абдуҳамидов – 65), 70. Мурод Ҳолмуҳаммедов.
Захира: 21. Музаффар Абдуллаев, 4. Собит Синдаров, 13. Сардор Азимов, 14. Авазхон Маматхўжаев.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20