«Тоттенхэм» бош мураббийи Жозе Моуринью ўз бошқарувидаги Лондон жамоасининг келажаги ҳақида фикрларини билдириб ўтди.

«Қаранг, Юрген Клопп ғалабаларга эришиши учун қанча вақт талаб этилди. 4 йил, 4 мавсум. Қолаверса, “Ливерпуль” жаҳоннинг энг яхши дарвозабон ва ҳимоячиларидан бирини харид қилди. Айни пайт бор эътиборим шахсий шартномамга қаратилган. Ишончим комилки, келишувда қайд этилган уч йил мобайнида “Тоттенхэм” соврин ёки совринлар ютади. Мабодо, ютуҳҳа эришмаса, янги даврга кириб боради ва менсиз ҳам муваффақият қозонса, мамнун бўламан. Клуб учун ишлашда давом этаман, ўзимни ўйламаяпман. Оптимистик руҳдаман, чунки илк кундан ишлашни бошлаганман, чунки жамоада қандайдир ўзгаришларга қўл уришимизга ишонаман, аммо бунинг йирик инвестицияга муҳтож эмасмиз. Келгуси мавсум жорий мавсумдагидек нохуш ҳолатлар бунчалик кўп бўлмаслигига аминман. Тахминимча, барчаси ўзгача кечади. Ягона адолатсизлик – одамлар янги стадионда, жаҳондаги энг яхши ареналардан бирида ўйнаётганимизни унутиб қўйишмоқда. Машғулотлар базамиз ҳам ажойиб. Буларнинг барига ўтган йили 100 миллион фунтга яқин маблағ сарфланди. Бу АПЛ клублари орасида энг йирик инвестиция бўлса керак, бироқ экспертлар буни клуб ривожига алоқадор ҳисоблашмаяпти», — деди Моуринью Goal.com сайтига берган интервьюсида.