«Ювентус» А Серия 35-турида «Удинезе»га имкониятни бой бериб қўйди (1:2). 42-дақиқада олдинга ўтиб олган туринликлар 52 ва 92-дақиқаларда гол ўтказиб, ғалабани қўлдан чиқарди.

Италия чемпионатининг жорий мавсумида «Юве» ҳисобда олдинда бораётган ўйинлари якунида 18 очко йўқотди. Бу клуб учун сўнгги 9 йилдаги энг ёмон натижа ҳисобланади.

Шунингдек, «кекса синьора» А Серияда 2014 йилнинг 29 октябридан бери қўшимча вақтлардаги гол туфайли ютқазмаётган эди. Ўшанда Турин шаҳри клуби 94-дақиқадаги гол эвазига мағлуб бўлганди. Маурицио Сарри қўл остидаги жамоа сўнгги 5 ўйиннинг бор-йўғи биттасида ғалаба қозонди. Қолганларида иккита дуранг ва иккита мағлубият қайд этилган.
***
Айтганча, Gracenote Live хабарига кўра, «йўл-йўлликлар» А Серияда 2014 йилнинг октябрь ойидан бери қўшиб берилган дақиқаларда ўтказилган гол туфайли мағлубиятга учрамай келишаётганди. Ўшанда Турин клуби «Женоа»га қарши ўйинда 94-дақиқада ўз дарвозасидан гол ўтказиб юбориб, мағлуб бўлганди.

Таъкидлаш жоиз, «кекса синьора» сўнгги 5 ўйиннинг бор-йўғи биттасида ғалаба қозонди. Қолганларида иккита дуранг ва худди шунча мағлубият қайд этилган.

Туринликлар 35-турдан кейин мусобақа жадвалида ҳамон 80 очко билан 1-ўринда боришмоқда, улар кейинги уч турнинг бирортасида ғалаба қозонадиган бўлса чемпионга айланишади.