Бельгиялик Тибо Куртуа Испания чемпионати тарихида Мадриднинг икки гранд клуби - «Атлетико» ва «Реал» билан Ла Лига ғолибига айланган иккинчи футболчи бўлди. Ҳа, бунга қадар шундай натижа атиги бир кишига насиб этган экан - журналист Педро Мартиннинг «Твиттер» тармоғидаги саҳифасида ёзишича, ўтган асрнинг 50-йиллари Перес-Пайя ҳам «Реал», ҳам «Атлетико» либосида чемпионлик нашидасини сурган.
Ҳа, Тибо Куртуанинг Мадрид жамоаларига боғлиқ алоҳида натижасига биринчи бўлиб Bleacher Reporter эътибор қаратди. Хуллас, Испания пойтахти бельгиялик кипер фаолиятида муҳим ўрин тутади. Тўғри, Тибо ҳозирга қадар жами 4та клуб шарафини ҳимоя қилган ва уларнинг ҳар бирида миллий чемпионат ғолибига айланган:
«Генк» - 2010|2011
«Атлетико» - 2013|2014
«Челси» - 2014|2015, 2016|2017
«Реал» - 2019|2020
Куртуа «Атлетико» сафига 2011 йили қўшилган. У ўша вақтдаёқ ҳуқуқий жиҳатдан «Челси»га тегишли эди ва Мадридда нақ 3 мавсум ижара шартномаси асосида ўйнади. Бу орада дарвозабоннинг трансфер суммаси 25 миллион еврога кўтарилди, асосийси, у Мадридга чинакамига меҳр қўйди. «Ҳа, ҳамон «Челси» ихтиёридаман, лекин ҳаётимдаги энг асосий клуб - бу «Атлетико». Айнан «матрасчилар» сафида қисқа вақт ичида етарлича обрў топдим ва чемпионлик мақомига эришдим», - деган эди Куртуа вақтида.
2020 йилга келиб, бельгиялик дарвозабоннинг қарашлари бир мунча ўзгарди. Энди у «Атлетико»нинг ашаддий рақиби - «Реал» аъзоси. Тибо якунланган мавсум Испания чемпионатидаги қуруқ ўйинлар сони бўйича Франсиско Буйога тегишли рекорд ортида роса қувди. Бироқ озгина қолди - 18та ўйинда дарвозаси дахлсизлигини сақлаб қолган бельгиялик охирги 3та турда «Гранада», «Вильярреал» ва «Леганес» футболчиларининг гол уришларига тўсқинлик қилолмади. Натижада «Реал»нинг собиқ кипери Франциско Буйога тегишли рекорд дахлсиз қолди. У мавсум-1986|1987 доирасидаги 19та ўйинда гол қўйиб юбормаган эди.
Айтганча, Куртуа карантин даврида, яъни Испания чемпионати тўхтатиб қўйилган вақт дангал гапирганди: «Менга ишонинглар, агар Примеро давом эттирилса, «Реал» чемпионликни қўлга киритади». Мана, у ҳақ бўлиб чиқди ва энди чемпионлик тақдим этган эҳтирослари билан ўртоқлашмоқда: «Икки ойлик нотинч танаффусдан қайтгач, қаторасига 10та ўйинни ўз фойдамизга ҳал қилдик. Жамоага мутлақо ишонгандим, якунда турнир шоҳсупасига чиқишимизга заррача шубҳаланмадим. Гарчи Каталониядан кўпчилик оғзимни ёпишим зарурлигини ёзган бўлсада».
Испания чемпионати-2019|2020 лауреатлари
Испаниянинг етакчи спорт нашри - Marca Ла Лиганинг якунланган мавсумини сарҳисоб қилиб, турли номинациялар бўйича индивидуал совринлар соҳибларини тасдиқлади.
Пичичи номидаги соврин (чемпионатнинг энг яхши тўпурари) - Лионель Месси («Барселона»), 25та гол
Сарра номидаги соврин (чемпионатнинг испаниялик энг яхши тўпурари) - Жерар Морено («Вильярреал»), 18та гол
Самора номидаги соврин (чемпионатнинг энг яхши дарвозабони) - Тибо Куртуа («Реал»)
Муньос номидаги соврин (чемпионатнинг энг яхши мураббийи) - Зайниддин Зидан («Реал») ва Хулен Лопетеги («Севилья»)
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20