27 ёшли Рафаэль Варан самарадор фаолияти билан алоҳида мақтанишга ҳақли. Диққат қилинг, франциялик ҳимоячи шу кунга қадар «Реал» билан нақ 16та соврин ютишга улгурди. Рафанинг ҳисобида яна Франция миллий жамоаси либосида қўлга киритилган жаҳон чемпионати олтин медали ҳам бор. Франциянинг Le Parisien нашри мухбири яқинда Испания Ла Лигасида 3-марта чемпионлик нашидасини сурган ҳимоячини суҳбатга чорлади. Варан эса интервью давомида «Реал»ни Примеро тахтига қайтарган Зайниддин Зиданни чин даҳо сифатида мақтади.
Ла Лига якуни
- Ғолиблик нашидасини суриш ҳар доим ёқимли, ғалаба айниқса, ҳозирги мураккаб шароитда янада тотлироқ лаззат бағишлайди. Бу сафарги чемпионликнинг энг муҳим жиҳати шуки, рестартдан 2 ҳафтача аввал ҳам Ла Лиганинг қайта тикланиши шубҳа остида эди. Муҳими, жамоамиз қисқа вақт ичида мавжуд шароитларга мослашди. Ана шу мослашувчанлик жуда қўл келиб, асосий рақибдан олдинга ўтиб олдик.
Энг мустаҳкам ҳимоя чизиғи
- Чинакам мудофаа қўрғони шакллантирганимиздан мамнунмиз, албатта. Чамаси 10 йилдан буён ёнма-ён тўп сураётганимиз самараси ўлароқ, майдонда автоматик даражада ҳаракатланадиган ҳолатга етдик. Айниқса, Рамосни эътироф этишим керак. Биз бир-биримизни сўзсиз тушунамиз ва ўзимизни энг яхши ҳимоячилар сифатида ҳис қиламиз.
«Манчестер Сити»га қарши учрашув
- Аввало, ўз салоҳиятимизга ишонамиз. Гап «Мадрид» ҳақида кетганида, ҳар қандай натижа кутиш мумкин - доимо умид бор. Ҳаттоки, ҳозирги мураккаб вазиятда ҳам. Албатта, бизни олдинда ўта оғир жанг кутиб турганини билиб турибмиз. Аммо «қаймоқранг» либосни кийиб майдонга тушганимизда, масъулиятни тўлиқ ҳис этамиз: мухлислар олдида қарздор эканлигимизни унутмаймиз.
Зайниддин Зидан феномени
- Мураббийимиз футболчилар билан мулоқот пайти ҳамиша ўзига хос савия ва самимийликни намойиш этади. Бу тақдир инъоми ёки унинг алоҳида ноёб фазилати. Биз - ўйинчилар учун Зидан улкан илҳом манбаи ҳисобланади. Бинобарин, у йўқни бор қилишга қодир. Фикрини жамоага сингдириш учун кўп гапириши ҳам шарт эмас - ғайриоддий хотиржамлиги билан барчамизга катта ишонч бағишлайди.
Карим Бензема улуши
- Бенземанинг нималарга қодир эканлигини билганимга анча бўлди. Уни шундай бахтиёр ҳолда кўриш жуда мароқли. Карим айни пайт фаолиятидаги энг ёрқин ўйинларини кўрсатмоқда. Боз устига, анчайин мураккаб позицияда тўп сурган ҳолда! Энг муҳими, Карим олдинги чизиқнинг чин етакчисига айланди. Уни фақат олқишлаб, чапак чалишим мумкин. Бошқа гап йўқ.
Ўз хизматига камтарона
ёндашув
- Йўқ, натижалар билан ўралашиб қолишни ёқтирмайман, қўлга киритилган совринларни томоша қилишга ҳам чопмайман. Мусобақа бошланган пайт эса, фақат ғалаба ҳақида ўйлайман. Ҳисоб-китобни фаолиятимиз ниҳоясида қилганимиз маъқул. Мана, яна чемпионликка эришдик, лекин машғулотлардан қайтаётганимизда, мухлисларимиз олдинда ЕЧЛ кутаётганлигини эслатиб туришади.
Европа чемпионати
- Тўғриси, ҳозирча қитъа чемпионати ҳақида бамайлихотир ўйлаб кўрганим йўқ. Чунки бу масалада ноаниқликлар жуда кўп: турнир стартига қадар бутун бир мавсум турибди. Албатта, миллий жамоа билан қитъа чемпионатида ғолиб чиқсак, ажойиб иш бўлади. Бироқ мусобақа вақтигача клуб футболидаги фаолиятимга эътибор қаратишим лозим. Терма жамоада қайта учрашиш эса жуда ёқимли,
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20