Яқинда "Ювентус" бош мураббийи этиб тайинланган 41 ёшли италиялик мутахассис Андреа Пирло келгуси мавсум учун клубнинг трансфер бозорида ишлаш йўналишини белгилади.

 Шундай қилиб, италиялик журналист Николо Шире "Ювентус" нинг 33 ёшли франсуз ярим ҳимоячиси Блез Матюиди янги бош мураббийнинг режаларига киритилмаганлигини ва футболчи аллақачон янги клуб қидираётганидан хабар топди.  Бир йиллик ойлик маоши 3,5 миллион Евро бўлган футболчининг агенти эса Лига 1 ва МЛС клубларига ўз мижозининг хизматларини таклиф қилган.

Маълумот учун,  жорий мавсум феврал ойида "Ювентус" раҳбарияти Матюиди билан  амалдаги шартномани яна бир мавсумга узайтиришган эди, эндиликда футболчининг клуб билан тузган шартномаси 2021 йилнинг ёзида нихоясига етади.

 Ўтган мавсумда 33 ёшли яримҳимоячи "Ювентус" учун барча мусобақаларда 46 учрашувда қатнашиб, битта гол ва 2 та голли узатмани амалга оширган.  У 2017 йил августида «ПСЖ» дан 20 миллион Евро эвазига Турин клубининг ўйинчисига айланганди ва ўша вақтдан бери уч марта Италия чемпиони бўлиш билан бирга, Италия кубоги ва Суперкубогини қўлга киритди.