Қайднома

Қидирув

Ана холос: Яна шу «Лион»ми...?

Ана холос: Яна шу «Лион»ми...?

  12.08.2020 02:18
  0
  188
Ана холос: Яна шу «Лион»ми...?

Криштиану Роналду «Лион»га қарши баҳсда борини берди, 2та гол урди, аммо ҳаммаси у ва клуби учун ёмон тугади. Португалиялик юлдуз охирги 10 йил бадалига илк марта ЧЛ 1|4 финалига чиқолмади. «Ювентус» гарчи 2:1 ҳисобида ғалаба қозонган бўлсада, «Лион» сафарда урилган гол эвазига кейинги раундга йўл олди. Франция клуби биринчи учрашувни 1:0 ҳисобида ўз фойдасига ҳал қилганди.

Жавоб баҳси туринликлар учун жуда аламли тарз­да бошланди - Мемфис Депай пенальтидан унумли фойдаланиб, мезбонларни максимал даражадаги ноқулай аҳволга туширди. Лекин Криштиану Роналду таслим бўлишни хаёлига ҳам келтирмади ва 31 дақиқадан сўнг мувозанатни тиклади. Кейин унинг ўзи узоқ масофадан кучли зарба воситасида Антони Лопешни иккинчи марта ожиз қолдирди - ўта чиройли гол. Бу Криш учун мавсумдаги 36-гол бўлди ва у «Ювентус» рекордчисига айланди. Бу борада, яъни Турин клубида 1та мавсумда энг кўп гол уриш рекорди Ференц Хирцерга тегишли эди (узоқ 1925 йили рақиблар дарвозасини 35 марта нишонга олган).

Роналду кейинги дақиқаларда қанчалик уринмасин, «Ювентус»ни чорак финалга олиб чиқадиган 3-голни уролмади. Натижада португалиялик юлдуз оғриқли мағлубиятни тан олди. Биринчидан, у охирги 10 йил ичида илк марта ЧЛ чорак финалига чиқолмади. Иккинчидан, охирги муваффақиятсизликда ҳам, унинг йўлига айнан «Лион» тўсиқ қўйганди:

*** Мавсум-2009|2010: «Лион» Роналду ва «Реал»ни четга чиқарганди - 1:0, 1:1.

*** Мавсум-2019|2020: «Лион» Роналду ва «Ювентус»ни четга чиқарди - 1:0, 1:2.


Манба: interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Вадим Абрамов миллий терма жамоамизни ЖЧ-2022 олиб чиқишига ишонасизми?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz