«Барселона» бош мураббийи Кике Сетьен қўл остидаги жамоанинг Чемпионлар Лигаси чорак финали доирасидаги «Бавария»га қарши баҳсга тайёргарлигига баҳо берди.

Эслатма: «Барселона» – «Бавария» қарама-қаршилиги бугун Лиссабонда бўлиб ўтади.

«Биз Португалияга яхши кайфиятда етиб келдик. «Наполи» билан ўйиндаги ғалабадан сўнг, «Бавария»га қарши баҳсни орзиқиб кутяпмиз. Рақибимизнинг салоҳиятидан хабардормиз, бўшашишга ҳаққимиз йўқ, зеро «Бавария»нинг қандай ҳолатда эканлиги нафақат рақамлар, балки жамоанинг кучида ҳам намоён бўлмоқда. Бу биз каби ғайриоддий клублардан бири. Ўйин тенг кечади, бизнинг ҳам учрашув мобайнида айтар сўзимиз бор.

Тўпга эгалик қилиш – муҳим факторга айланади, у ҳимояланиш имконини беради, зеро тўпни эгалласак, улар бизга зиён етказолмайдилар. Аммо барибир, баъзи жиҳатларда омад ҳам керак бўлади. Месси ўйинда ғалаба қозонишимиз учун ёрдам беради, аммо жамоанинг умумий кучига ишонаман, ахир кимдир Леога кўмаклашиши керак-ку. Умумжамоа кучи бўлмаса, Мессининг ҳам иши оғирлашади» — деди Сетьен Mundo Deportivo нашрига берган интервьюсида.