Испаниянинг «Севилья» клуби ўз тарихида 6-марта УЕФА кубоги|Европа Лигаси ғолибига айланиб, турнирнинг ўзига тегишли рекордини яна янгилади. Хулен Лопетеги бу сафар финал фаворити саналган «Интер»ни чиройли тарзда маҳв этди - 3:2. Андалусияликлар 2006, 2007, 2014, 2015 ва 2016 йилларда ҳам бош соврин соҳибига айланишганди. Қисқаси, «Севилья» турнирдаги ғалабалар сони бўйича «Ювентус», «Интер», «Ливерпуль» ва «Атлетико» (3 мартадан ғалаба)дан икки баравар олдинлаб кетди. Чин қирол! Эслатма, мавсум-2008|2009гача турнир УЕФА кубоги номи остида ўтказилган.
Финал
21 август
СЕВИЛЬЯ - ИНТЕР - 3:2 (2:2)
Кёльн. «Райн-Энерги» стадиони.
Бош ҳакам: Данни Маккели (Нидерландия).
Голлар: де Йонг (12, 33), Лукаку (74-авт.) - Лукаку (5-пен.), Годин (36).
Севилья: Буну, Диего Карлос (Гудель, 86), Кунде, Навас, Регилон,
Фернандо, Жордан, Окампос (Мунир, 71), Банега, Сусо (Васкес, 78),
де Йонг (ал Носири, 85).
Интер: Ханданович, Янг, де Врей, Бастони, Д~Амброзио (Мозес, 78), Брозович, Гальярдини (Эриксен, 78), Барелла, Годин (Кандрева, 90), Мартинес (Санчес, 78), Лукаку.
Огоҳлантиришлар: Диего Карлос (4), Банега (45) - Барелла (41),
Бастони (55), Гальярдини (73).
Ўйиннинг энг яхши футболчиси: де Йонг (Севилья).
*** «Интер» бош мураббийи Антонио Конте фаолиятидаги биринчи еврокубок финалида мағлубиятни тан олди. 51 ёшли мутахассис учун «Ювентус» билан ЕЛ ярим финали энг юқори кўрсаткич бўлиб турганди. Умуман, Конте мураббийлик ишида жами 7та соврин ютган: Италия чемпионати олтин медали (3 марта), Италия суперкубоги (2 марта), Англия чемпионати олтин медали (1 марта) ва Англия кубоги (1 марта).
*** ЕЛнинг 11та мавсумидан 7тасида Испания клублари ғолиблик нашидасини суришди: «Севилья» - 4 марта ва «Атлетико» - 3 марта. УЕФА кубогини ҳам қўшиб айтганда, охирги 17та мавсумдан 10тасида ғолиблик испанларга насиб этди.
*** Испания клублари охирги 18 йилда бошқа мамлакатлар вакилларига қарши кечган 15та еврокубок финалининг барчасида ғалабани тантана қилди. Еврокубоклар финалида бошқа чемпионат вакилига ютқазган Ла Лиганинг охирги клублари - «Алавес» (2001 йили УЕФА кубоги финалида «Ливерпул»га бас келолмаган) ва «Валенсия» (ЧЛ финалида «Бавария»га ютқазган).
*** «Севилья» 7-марта еврокубок соҳибига айланди. Диққатга сазовор томони, клуб ички турнирларда ҳам айнан 7 марта ғалаба нашидасини сурган.
*** «Севилья» ўзи иштирок этган ЕЛнинг 3та финалида (қаторасига) ҳисобда ортда бора туриб, якунда ғалаба нашидасини сурди. Андалусияликларнинг бу ўйинларда 3тадан гол уришгани ҳам эътиборга молик.
*** «Севилья»нинг барча турнирлар ҳисобидан мағлубиятсиз серияси 21та ўйинга етди - бу клуб рекорди. Андалусияликлар охирги марта 9 февраль куни Ла Лига 23-турида «Сельта»га ютқазишганди -1:2.
*** ЕЛнинг охирги 11та мавсумидан 6тасида Испания мураббийлик мактаби вакиллари зафар қучишди. Хулен Лопетегидан олдин Кике Флорес («Атлетико» билан 2010 йили), Рафаэль Бенитес («Челси» билан 2013 йили) ва Унаи Эмери («Севилья» билан 2014, 2015 ва 2016 йиллар) кубок соҳибига айланишганди.
*** Хесус Навас 13 йилдан кейин «Севилья» билан турнирда яна ғалаба қозонди. У 2006 ва 2007 йилларда ҳам кубок соҳибига айланган эди.
*** Хулен Лопетеги клуб футболида илк марта совриндор бўлди. У бунга қадар фақат терма жамоалар миқёсида зафар қучганди (U-19 ва U-21 тоифасидаги Европа чемпионатида испанларни 3 марта шоҳсупага олиб чиққан).
*** Италия клублари 10 йилдан буён еврокубок ютолмаяпти. «А» серия вакили УЕФА кубоги|ЕЛда эса охирги марта 21 йил олдин ғалаба нашидасини сурганди - «Парма» мавсум-1998|1999да бош соврин эгасига айланган эди.
*** «Севилья» ЕЛ «плей-офф» босқичларида урган голлари сонини 70тага етказди - турнир рекорди.
*** «Интер» ҳимоячиси Диего Годин ҳам УЕФА кубоги|ЕЛ, ҳам ЧЛ финалида гол урган 6-футболчидир. Бундай натижа Дмитрий Аленичев, Стивен Жеррард, Эрнан Креспо, Аллан Симонсен ва Педрога ҳам насиб этган.
*** ЕЛ финалининг биринчи бўлимида 4та гол урилиши 2015 йилдан буён илк марта кузатилди. Ўшанда «Днепр» ва «Севилья» клублари танаффусга 2:2 ҳисобида чиқиб кетганди.
*** Люк де Йонг ЕЛ финалида бош билан 2та гол урган биринчи ва «дубл»га эришган 7-футболчи бўлди. Бунга қадар Диего Форлан, Антуан Гризманн, Радамель Фалькао, Карлос Бакка, Коке ва Эден Азар турнир финалини 2та гол билан безагандилар. Энг қизиғи, 29 ёшли нидерланд 2019 йилнинг апрелидан буён «дубль» қайд этолмаётганди.
*** Диего Карлос ЕЛнинг қаторасига 3та ўйинида «Севилья» дарвозаси томон пенальти белгиланишига сабабчи бўлиб қолди.
*** Ромелу Лукаку - Лаутаро Мартинес жуфтлиги(«Интер») мавсум давомида 55та гол урди (бельгиялик 34та ва аргентиналик 21та).
*** Ромелу Лукаку ЕЛда ўзи иштирок этган кетма-кет 11та ўйинда гол урди (турнир рекорди). Умуман, у бу оралиқда 15та гол муаллифига айланди («Интер»нинг 6та ўйинида 7та ва «Эвертон»нинг 5та ўйинида 8та). 27 ёшли футболчининг шу 11та ўйинда «Гол + пас» тизимида 19 очко жамғарганини ҳам алоҳида айтиш ўринли.
*** «Севилья» ва «Интер» еврокубокларда илк марта тўқнаш келди.
*** «Интер» футболчилари мавсум давомида бош билан 25та гол уришди. Бу кучли 5та лига жамоалари учун энг юқори натижадир. 2-яхши кўрсаткич «Айнтрахт»га тегиши - 24та гол.
*** «Интер» УЕФАкубоги|ЕЛ финалида 5-марта ўйнади (иккинчи яхши натижа, албатта, «Севилья» олдинда).
*** «Интер» мавсум давомида 113та гол урди. Бу клубнинг охирги 90 йилдаги энг юқори самарадорлигидир.
*** «Интер» ярим финалда «Шахтёр»ни 5:0 ҳисобида енгиб, бу босқичдаги энг ишончли ғалабани қайд этди.
*** «Интер» охирги 10 йил бадалига илк марта еврокубоклар финалида ўйнади. «Нерадзурралар» 2010 йили ЧЛ финалида «Бавария»ни 2:0 ҳисобида енгишганди.
*** Лаутаро Мартинес мавсум давомида ўйинларнинг дастлабки 30 дақиқасида жами 13та гол урди. У бу борада кучли 5та лига вакиллари орасида мутлақ пешқадам.
*** «Интер» ҳужумчиси Ромелу Лукаку мавсум давомида «нерадзурралар» сафида 51 марта майдонга тушди. У шу тариқа мавсум-2010|2011дан буён «Интер»да 50та ўйин маррасидан ўтган биринчи футболчи бўлди. Ўшанда Хавьер Занетти (52та ўйин) ва Самуэль Это~О (53та ўйин) шундай натижага эришишганди.
*** «Севилья» XXI асрда еврокубоклар финалида ўйнаш бобида «Реал»дан ўзиб, 1-ўринга чиқди. Андалусияликлар янги 100 йилликда 11 марта ҳал қилувчи ўйинда иштирок этишди. «Реал» бу оралиқда 10та финалда қатнашган. «Атлетико» ва «Барселона» ҳисобида 8тадан финал бор.
*** АПЛ клублари охирги 5 йил бадалига илк марта еврокубоклар финалисиз қолди. Англиянинг охирги вакили - «МЮ» ЕЛ финали йўлланмасини«Севилья»га бериб қўйди.Эътиборлиси, аввалги мавсумда еврокубоклар финали тўлиқ инглизча кўриниш олганди: «Ливерпуль» - «Тоттенхэм» (ЧЛ) ва «Челси» - «Арсенал» (ЕЛ).
тўпурарлар
Бруну Фернандеш
(Спортинг|МЮ) - 8та
Лукаку (Интер) - 7та
Диогу Жота (Вулверхэмптон) - 6та
барча Ғолиблари
2019|2020 Севилья (Испания)
2018|2019 Челси (Англия)
2017|2018 Атлетико (Испания)
2016|2017 МЮ (Англия)
2015|2016 Севилья (Испания)
2014|2015 Севилья (Испания)
2013|2014 Севилья (Испания)
2012|2013 Челси (Англия)
2011|2012 Атлетико (Испания)
2010|2011 Порту (Португалия)
2009|2010 Атлетико (Испания)
-———————————————————————————————————-------------
2008|2009 Шахтёр (Украина)
2007|2008 Зенит (Россия)
2006|2007 Севилья (Испания)
2005|2006 Севилья (Испания)
2004|2005 ЦСКА (Россия)
2003|2004 Валенсия (Испания)
2002|2003 Порту (Португалия)
2001|2002 Фейеноорд (Нидерландия)
2000|2001 Ливерпуль (Англия)
1999|2000 Галатасарой (Туркия)
1998|1999 Парма (Италия)
1997|1998 Интер (Италия)
1996|1997 Шальке (Германия)
1995|1996 Бавария (Германия)
1994|1995 Парма (Италия)
1993|1994 Интер (Италия)
1992|1993 Ювентус (Италия)
1991|1992 Аякс (Нидерландия)
1990|1991 Интер (Италия)
1989|1990 Ювентус (Италия)
1988|1989 Наполи (Италия)
1987|1988 Байер (Германия)
1986|1987 Гётеборг (Швеция)
1985|1986 Реал (Испания)
1984|1985 Реал (Испания)
1983|1984 Тоттенхэм (Англия)
1982|1983 Андерлехт (Бельгия)
1981|1982 Гётеборг (Швеция)
1980|1981 Ипсвич Таун (Англия)
1979|1980 Айнтрахт Ф. (Германия)
1978|1979 Боруссия М. (Германия)
1977|1978 ПСВ (Нидерландия)
1976|1977 Ювентус (Италия)
1975|1976 Ливерпуль (Англия)
1974|1975 Боруссия М. (Германия)
1973|1974 Фейеноорд (Нидерландия)
1972|1973 Ливерпуль (Англия)
1971|1972 Тоттенхэм (Англия)
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20