Қайднома

Қидирув

«Стефан, сенга ачинамиз, холос...»

«Стефан, сенга ачинамиз, холос...»

  29.08.2020 04:57
  0
  216
«Стефан, сенга ачинамиз, холос...»

«Интер»нинг нидерландиялик ҳимоячиси Стефан де Врейга шунчаки, ачиниш мумкин - у фаолияти давомида жуда кўп финалларда иштирок этган, аммо коллекциясида 1 донагина сов­рин бор... Мана, «Интер» бу сафар ЕЛ финалида «Севилья»га бас келолмади (2:3). Шу тариқа Германиядаги ҳал қилувчи баҳсда тўлиқ 90 дақиқа ҳаракатланган голланд футболчиси ҳисобига яна бир омадсиз финал ёзилди. Ҳа, охирги қадам ўхшамаса, қийин-да...

1. Стефан де Врей 2009 йили фаолиятидаги илк финалда қатнашди. Бироқ U-17 тоифасидаги Европа чемпионати ҳал қилувчи баҳси Нидерландия термасига алам улашди - голландлар қўшимча бўлимлардаги натижа ортидан бош совринни немисларга бериб қўйишди.

2-3. Стефан катталар футболига «Фейеноорд»да қадам ташлади ва клуб бу вақтда Эредивизион финишига икки бора 2-ўринда етиб келди. Эътиборли томони, де Врей кетганидан 3 йил ўтгач, «Фейеноорд» ниҳоят, мамлакат чемпионатида ғалаба нашидасини сурди.

4. Стефан «Фейеноорд»да мамлакат кубоги финалида ҳам мағлубият аламини татиб кўрди - Роттердам клуби 2010 йили «Аякс»га 0:2 ва 1:4 ҳисобларида енгилди.

5-6. Де Врей ЖЧ-2014да жуда яхши таассурот қолдирди ва бронза медалини қўлга киритди. Футболчи Бразилия мундиалидан кейин «Лацио» сафига қўшилди ва Италия кубоги финалида икки марта мағлубликни тан олди. Римликлар ҳар икки ҳолатда «Ювентус»га ютқазишди - 2015 йили 1:2 ва икки мавсумдан сўнг 0:2 ҳисобида.

7. Яна Нидерландия термаси, бу сафар Европа Миллатлар лигаси. Голландлар турнир финалида Португалия термасига ютқазишди, тўғри, де Врей ўйинни захира ўриндиғида кузатди.

8. Де Врей аввалги мавсум «Интер» билан «А» серияси кумуш медалини ютди. «Олтин» эса «Ювентус»га тегди.

9. ЕЛ финали ва яна бир омадсиз уриниш.

Стефан де Врей ҳисобидаги ягона соврин - бу Италия суперкубоги. Голланд уни «Лацио» сафида қўлга киритганди.


Манба: interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Вадим Абрамов миллий терма жамоамизни ЖЧ-2022 олиб чиқишига ишонасизми?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz