ЎзПФЛнинг амалдаги регламентига кўра аввалига «Пахтакор» бош мураббийи Шота Арвеладзе Coca-Cola Суперлига 14-тури доирасида «Навбаҳор»га қарши кечган ўйиндан (1:1) сўнг ўз фикрлари билан ўртоқлашди ҳамда журналистлар саволларига жавоб берди.
Шота Арвеладзе («Пахтакор» бош мураббийи): - Ўйин бошида уч-тўртта вазиятдан фойдалана олмадик. Футболда сен урмасанг, сенга уришади, деган нақл бор. Рақиб шу куни битта аниқ зарба йўллади ва у гол билан якунланди. Натижада дуранг. Аслида, ўзимиз ҳам яхши ўйнолмадик, ўйинимиз секин чиқди. Негалигини билмайман. Афсуски, бир-икки ҳолатда тезкор ҳужумга ўтганда, вазият яратдик. Қолган ҳолатларда тезлик етишмади. Бугун икки очко йўқотдик.
- Стадионларга мухлисларни киритиш вақти келмадими?
- Коронавирус пандемияси даврида саломатлик биринчи ўринда бўлиши керак. Айрим мамлакатларда, хусусан, Россияда ҳам маълум фоизда мухлислар киришига рухсат берилди. Балки, шу услубда томошабинлар ташрифига изн бериш ҳам мумкиндир. Бунга мураббий сифатида шундай жавоб бера оламан, холос.
- «Пахтакор»ни олдинда Чемпионлар Лигасидаги иштирок кутмоқда. Шу ҳақда гапирсангиз.
- Тақвимимиз енгил деб бўлмайди, кўплаб футболчиларимиз даволанишди. Деярли ҳамма касалланди, мураккаб даврни бошдан ўтказдик. Мавжуд ҳолат ҳам жисмоний, ҳам руҳий томондан таъсир ўтказади. Қатардаги турнирга гуруҳда 6 очко тўплаган ҳолда етиб борамиз. Қайсидир жиҳатдан бу устунлик, бир томондан футболчиларнинг хотиржамликка берилишларига олиб келиши мумкин. Буларнинг барини инобатга олган ҳолда айтишим мумкинки, Чемпионлар Лигасида, биринчи навбатда, гуруҳдан чиқишга интиламиз. Кейин нима бўлишини вақт кўрсатади.
Ўткир УМАРОВ ёзиб олди, "ИнтерФУТБОЛ" нашри
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20