«Барселона» ҳужумчиси Лионель Мессининг отаси Хорхе шу ҳафта клуб раҳбарлари билан учрашиб, ўғлининг келажагини муҳокама қилмоқчи.
Ката Месси жумладан, кеча «Барса» президенти Хосеп Бартомеу қабулида бўлди. Mundo Deportivo хабарига кўра, У «Барселона» раҳбариятини ўғли билан шу ёзда яхшиликча хайрлашишга кўндирмоқчи. Яъни Хорхе қандайдир можароли айрилиқ кузатилишига қарши. Олдинроқ Мессининг ўзи ҳам «Барселона» билан ўзаро келишган ҳолда орани очиқ қилишни хоҳлашини айтганди. Таъкидланишича, Лео раҳбариятдан шартномасидаги алоҳида бандга мувофиқ, ҳамкорликни ҳеч қандай муаммосиз тўхтатишни сўраган экан. Каталонияликлар ўз навбатида, келишувдаги ўша банд 10 июнь куни ўз кучини йўқотганини маълум қилишган. Ла Лига бу борада «Барса» позициясини маъқулламоқда. Қисқаси, каталонияликлар аргентиналик юлдузни эркин агент мақомида қўйиб юбормайдилар, барибир. Улар ҳаттоки, харидор жамоадан шартномада кўрсатилган 700 миллион еврога тенг товон пулини талаб қилишлари ҳам мумкин. Ҳозирда футболчининг ҳуқуқшунослари айни шу масала билан шуғулланишмоқда. Бу вақтда Хорхе Месси ҳамон «Барселона» ўғли билан дўстона тарзда хайрлашишидан умидвор.