Қатар Юлдузлар Лигасининг 2-туридан ўрин олган иккита ўйин 7 сентябрь, душанба куни бўлиб ўтди.

Фото: Instagram

«Қатар СК» жамоаси сафарда «Ал-Ҳаритият»га қарши баҳс юритди. Учрашувнинг 20-дақиқасида Муҳаммад Усмон мезбонларни олдинга олиб чиққан бўлса, иккинчи бўлим дебютида меҳмонлар ҳужумчиси Кайке ўз дарвозасини ишғол қилиб қўйди. 75-дақиқада Сардор Рашидовнинг узатмасидан кейин ал-Меҳди Барраҳма ҳисобни қисқартирди.

Мазкур баҳсда Сардор Рашидов тўлиқ ҳаракат қилди. Шу тариқа «Қатар СК» 2020/21 йилги мавсумдаги иккинчи мағлубиятини қабул қилиб олди.

Яна бир ўйин «Ас-Саилия» ва «Ас-Садд» жамоалари ўртасида кечди. Унда Хави шогирдлари йирик ҳисобдаги ғалабани қўлга киритди. «Ас-Садд» сафида Ҳассан ал-Ҳайдос, Санти Касорла, Бағдод Бунеджа, Нам Те Ҳи ва Аҳмад Сайёр ўз ҳисобига гол ёздириб қўйган бўлса, мезбонларнинг ягона голига Мажди Сиддиқ муаллиф бўлди.

Қатар Юлдузлар Лигаси

2-тур баҳслари

7 сентябрь, душанба

Голлар: 1:0 – 20 Усмон, 2:0 – 50, автогол Кайке, 2:1 – 75 Барраҳма.

Голлар: 0:1 – 7 ал-Ҳайдос, 0:2 – 30, пенальти Касорла, 1:2 – 41 Сиддиқ, 1:3 – 59 Бунеджа, 1:4 – 81 Нам Те Ҳи, 1:5 – 88 Сайёр.