Суперлиганинг 16-туридан ўрин олган олган "Металлург" - "Пахтакор" (0:3) учрашувидан кейин ташкил этилган матбуот анжуманининг дастлабки қисмида меҳмонлар устози Шота Арвеладзе ўз фикрларини билдирди.

"Бу ерда ўйнаш ҳамиша қийин. Бекободликлар кимга қарши қандай ўйнаш кераклигини ва риқибга ўз ўйиниин кўрсатишда халал беришни яхши билишади. Ўйиннинг дастлабки 30 дақиқасида рақиб жиддий қаршилик кўрсатди. Кейин эса бўш ҳудудлар юзага келди. Биринчи гол рекошетдан кейин урилди. Қанотларда тўпни ушлашга ва узатмаларни амалга оширишга эътибор бердик. Голдан кейин эса очиқ ўйин бошланди.

Иккинчи гол ўйин тақдирини ўзгартириб юборди деб ўйлайман. Биз ҳам тўпни назорат қилдик, вазиятлар яратдик. Вазифа уч очко қўлга киритиш ҳамда ўйинни жароҳатларсиз якунлаш эди буни уддалаганимиздан ҳурсандман.

Бир неча кундан кейин бизни Қатар сафари кутмоқда. ОЧЛда иштирок этамиз. Ўйлайманки, нафақат жамоамизнинг мухлислари балки, Ўзбекистондаги барча  футбол ихлосмандлари жамоамизга ишқибозлик қилади. Очиғи, бу кунгача етиб келишимизнинг ўзи осон бўлмади. Жамоадаги кўп футболчилар коронавирус билан касалланди, ундан кейин оғир тақвим, ҳар уч кунда ўйин...

Сидиқовнинг қанотдаги ўйинидан қониқдим. ОЧЛда ўзимизни яхши кўрсатишни ва мухлисларни хурсанд қилишни истаймиз. Шерзод Аъзамовнинг жароҳати бор эди. Шу боис у баган майдонга тушмади. Бироқ бугундан югуришни бошлади. Олдинда кутаётган учрашувга қадар уни тезроқ тиклашга ҳаракат қиламиз"