«Наполи» футболчилари тикланиш учун ахлат қутиларидан фойдаланишади. Нима? Наҳотки? Бунинг қандайдир алоҳида нафи борми? Неаполь клуби ушбу ғайриоддий жараённи алоҳида тушунтирди ҳам.
Италия «А» серияси клублари айни пайт янги мавсумга қизғин ҳозирлик кўрмоқда. Машҳур журналист Танкреди Палмери яқинда «Твиттер»да «Наполи» нима қилаётганини кўрсатди. Ажабтовур метод. Криотерапия - спортчиларни тезроқ тиклашга қаратилган маълум услуб. Бунда совуқ таъсирида спортчи организмининг ҳимоя тизими кучайтирилади, яна қон айланиши яхшиланади. Хуллас, спортчилар иммунитетни кучайтириш ва мушак пайлари тонусини ривожлантириш мақсадида криотерапия муолажасига мурожаат қилишади. Шунинг баробарида бунда организм мустақил равишда тикланади, ички захиралар ўз-ўзидан ҳаракатга тушади.
Қоидага мувофиқ, криотерапия муолажаси махсус камералар ёки хоналарда ўтказилади. Бироқ «Твиттер»га қўйилган суратга қарасак, «Наполи» футболчилари шунчаки, очиқ ҳавода тикланишмоқда, боз устига, улар оддий ахлат қутиларидан фойдаланишади. Яна бу контейнерлар иккинчи қайта ишлашга мўлжалланган. Суратлар остига қўйилган изоҳларда мантиқли саволлар кўп - «Наҳотки, бу оддий ахлат контейнери бўлса?», «ишқилиб, бу усулни Женнаро Гаттузонинг ўзи ўйлаб топмаганмикан?»
«Наполи» вакиллари айниқса, шу мавзудаги 3та «твит»дан аччиқланишди. Табиийки, улар танқидий руҳда. Қисқаси, неаполликлар аввалига ОАВдан ўпкаланишди: «Жиддий нашрлар муайян жараён сабабини билмай туриб, хабар беришдан уялиши керак. Журналистлар аввало, бу ғоя Гаттузога тегишлими ёки одатий амалиёт эканлигини аниқлаштиришлари керак эмасми?» Клуб шунинг баробарида чиндан ҳам, ахлат қутисидан фойдаланилаётганини инкор этмади, аммо улар ифлос эмаслигини алоҳида уқтирди: «Йўқ, контейнерлар топ-тоза ва янги. Қолаверса, улар кунига 3 марта дезинфекция қилинади». «Наполи» шунингдек, кўплаб жамоалар шундай қилиши ва бу Гаттузо ғояси эмаслигини ҳам тушунтирди.
Қизиқ, нега энди айнан ахлат қутиси? «Сабаби оддий - улар кенг ва баланд, яна коронавирус протоколида ҳар бир ўйинчи алоҳида ўтириши ҳақида кўрсатилган бандга мувофиқ келади», - дейилади клуб баёнотида.
2 сентябрь куни «А» сериянинг янги мавсуми тақвими тасдиқланди. Унга кўра, Италия чемпионатига 19 сентябрь куни старт берилади. «Наполи» 1-турда «Парма» меҳмони бўлади (20 сентябрь куни).
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20