Суперлиганинг иккинчи давра доирасидаги 14-тур ўйинида АГМК Бекободда "Металлург" меҳмонига айланди.

 Учрашув олмалиқликларнинг устунлиги остида ўтган бўлсада, яратилган кўплаб вазиятларни голга айлантиришда жамоа футболчиларига аниқлик етишмади. Айниқса биринчи таймда вужудга келган кўплаб имкониятлар кўкка совурилди. Аманов, Полвонов, Турсунов, Абдураҳимов, Нурматов томонидан кўплаб хавфли вазиятлар бесамар кетди. Иккинчи бўлимнинг 67-дақиқасида "Металлург"нинг ўнг қанотдан ташкил этган ҳужумини Саламат Қутибаев самарали якунлади. Жарима майдончасига оширилган тўпга оёғини ўз вақтида қўйган Қутибаев кутилмаган гол муаллифига айланди. Шундан кейин баҳсда бошқа гол урилмади. Шу тариқа АГМК мавсумдаги дастлабки мағлубиятини иккинчи давранинг илк беллашувида қабул қилиб олди.

 Суперлига, 14-тур.

 12 сентябрь, шанба

 «Металлург» — АГМК 1:0

 Гол: Қутибаев (67)

 Бекобод шаҳри, "Металлург" стадиони.

 Ҳакамлар: Зокир Қодиров, Руслан Самандаров, Бектурсин Канназаров, Достон Мирзараимов

 Назоратчи: Тимур Абдуллаев

 Комиссар: Зохиржон Акрамхонов.

 “Металлург” - 12. Александр Лобанов, 5. Аббос Отахонов, 8. Саламат Қуттибоев, 14. Аброрбек Тошқўзиев, 15. Зоҳид Абдуллаев (10.Шаҳзод Убайдуллаев, 61), 21. Камолиддин Тожиев, 23. Абдураҳмон Абдулҳақов (7.Дониёр Нарзуллаев, 61), 27. Ихтиёр Тошпўлатов, 28. Станислав Андреев, 43. Даврон Анваров (11.Мурод Бобожонов, 80), 88. Евгений Чумак.

 АГМК (4-3-3) — 35.Валижон Раҳимов - 2.Акмал Шораҳмедов ©️ (20.Мирғиёс Сулаймонов, 84), 44.Бобур Йўлдошев, 3.Сардор Раҳмонов (5.Дилшод Жўраев, 73), 11.Мурод Тошматов - 23.Йован Жокич, 17.Санжар Турсунов, 18.Баҳром Абдураҳимов (10.Шаҳзод Нурматов, 78) - 77.Арслонмират Аманов (94.Ҳусниддин Ғофуров, 73), 9.Зафар Полвонов (21.Мате Ватсадзе, 78), 7.Элгужа Григалашвили.

 Огоҳлантиришлар: Абдулҳақов (38) - Йўлдошев (23), Григалашвили (90).