Жасурнинг 13-голи. Беларусь чемпионати 23-туридан ўрин олган «Шахтёр» - «Витебск» ўйини 5:0 ҳисобида якунланди. Майдон эгаларининг голларидан бирига ҳамюртимиз Жасур Яхшибоев муаллифлик қилди. Тўлиқ вақт ҳаракатланиб, рақиб дарвозасига 89-дақиқада йўл топган футболчимиз энди 13та гол билан тўпурарлар рўйхатида пешқадамлик қилмоқда, «Шахтёр» эса, турнир жадвалида. Мазкур лигада тўп сураётган Шаҳбоз Умаровнинг клуби - «Энергетик-БГУ» иштирокидаги ўйин («Слуцк»ка қарши) «талабалар» сафидаги футболчиларда коронавирус инфекцияси аниқлангани туфайли 30 сентябрь кунига қолдирилди.
Ашурматов гол ассистенти. «Кванжу» Жанубий Корея чемпионати 20-турида «Чонбук Хюндай»ни қабул қилиб, 3:3 ҳисобида дуранг қайд этди. Мезбон жамоанинг илк голига учрашувда тўлиқ 90 дақиқа тўп сурган Рустам Ашурматов ҳаммуаллифлик қилди. «Санжу Санму» - «Сеонгнам» (0:0) ўйинида меҳмонлар вакили Жамшид Искандеров қайдномага киритилди, лекин майдонга тушмади. Шунингдек, Икром Алибоев ҳам «Сеул»нинг ўз майдонида «Сувон Самсунг»ни 2:1 ҳисобида енгганини четдан кузатди. «Пусан» вакили Достон Турсунов «Инчхон» билан уй учрашувида тўлиқ ўйнади, аммо жамоаси 0:0 ҳисоби билан кифояланди.
«Қатар СК»да кичик ғалаба. Қатар Юлдузлар лигаси 3-тури Сардор Рашидов ва «Қатар СК» клубига омадли келди. Аввалги 2та турда мағлубиятга учраган жамоа бу сафар ягона гол эвазига 3 очко олди. Майдонда тўлиқ вақт ҳаракатланган ҳамюртимиз ғалабага баҳоли қудрат ҳисса қўшди.
Ўрунов яна захирадан тушди. Россия чемпионати 7-тури доирасидаги «Москва дербиси» - ЦСКА ва «Спартак» баҳсида «армиячилар» устун келишди - 3:1. «Қизил-оқлар» ярим ҳимоячиси Остон Ўрунов бу ўйинда ҳам захирадан майдонга тушди (77-дақиқада) ва якунда сариқ карточка олди. «Ростов» (Элдор Шомуродов жамоаси) ва «Локомотив» (Жасур Жалолиддинов жамоаси) қарама-қаршилиги эса, кеча ўтказилди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20