«Реал»нинг бразилиялик ёш ҳужумчиси Винисиус Жуниор эса, AS нашри мухбирлари билан суҳбатда янги мавсумда бор эътиборини шахсий кўрсаткичларини яхшилашга қаратишини яширмади. Унинг мақсади - жамоанинг яна турли совринларга курашишида катта роль бажариш.
ЧЛда «Манчестер Сити»га қарши кечган ўйин
- Табиийки, ўйин давомида майдонга тушиш ва жамоага ёрдам беришни хоҳладим. Лекин жаҳоннинг энг буюк клубида тўп сураётганим, таркибда иқтидорли йигитлар кўплигини ҳам тушунаман. Мураббийда танлов катта ва «Сити» билан баҳсда четда қолганимни тўғри қабул қилишим керак.
Black Lives Matter
- Бу ҳаракатни фақат қўллаб-қувватлаш керак, худди Леброн Жеймс ва Льюис Хэмильтон каби афсоналар каби. Мана, МБА юлдузлари қора танлиларни ҳимоя қилиш учун ҳаттоки, майдонга тушишдан ҳам бош тортишди. Бу катта гап. Афсуски, 2020 йилга келиб ҳам, ҳамон ирқчилик ва бошқа иллатлар ҳақида гапиришимизга тўғри келмоқда, бу жуда ачинарли...
Бразилия терма жамоаси
- Албатта, мамлакатим миллий жамоасига тезроқ қайтишни хоҳлайман. Неймар билан ёнма-ён туриб, мамлакат шарафини ҳимоя қилиш ўзгача илҳом бағишлайди. Ҳозир жамоадан яна чорлов олиш илинжида икки ҳисса кўпроқ ишлаяпман. Биламан, бизда муносиб футболчилар жуда кўп. Шундай экан, терма жамоа мураббийлари назарига тушиш учун янги мавсумда шахсий статистикамни кескин яхшилашим шарт.
Танқид - табиий ҳол
- Биргина мен танқидга учраётганим йўқ - бразилиялик айрим фанатларда бу борада муаммо бордек, улар катта ютуқларни қўлга киритган кишиларни ёқтиришмайди, гўё. Қаранг, баъзилар Неймарни ҳам танқид остига олишмоқда. Унинг «ПСЖ» билан ЧЛда ғалаба қозонишини кутаётган бразилияликларни кўрганимда, ўз-ўзидан қувониб кетаман. Умуман, фаолиятимдаги омадсиз лаҳзалар ҳақида ўйлашни истамасдим. Умид қиламанки, ҳали талаб даражасида ўйнайман ва ҳамюртларим танқидни четга суриб, мени бирдек қўллаб-қувватлашни хоҳлаб қолишади.
А.ҲАМИДОВ тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20