Сocа Cola Супер лигасининг 16-турида Муборакнинг  “Машъал” жамоаси   Навоийнинг “Қизилқум”   жамоасига қарши майдонга тушади. Ушбу жамоаларнинг ўзаро ўйинлари тарихига назар соладиган бўлсак, “Қизилқум” ва “Машъал”   шу кунгача чемпионат баҳсларида 31 марта тўқнаш келган. Ғалабар бўйича тенглик.  Жамоалар 9тадан ютуққа эришган. 13 ўйин дуранг билан якунланган. "Газчи"лар  рақиб дарвозасини 42 бор ишғол қилган бўлсалар, навоийлар эса 38 гол уришган.

“Машъал”нинг ўзаро ўйинларда қозонган энг йирик ғалабаси – 6:1 га тенг. “Қизилқум”да  бу кўрсаткич 6:3 бўлиб турибди.

Навоийда  бўлиб ўтадиган “Қизилқум”  – “Машъал” учрашувини  Шавкат Насибуллаев бошқариб боради. Унга қанотларда Шоҳрух Аъзамов ва Ойбек Шоҳнур Йўлдошевлар ёрдам беришади. Учрашувда захира ҳаками сифатида Тўрабек Суюнов ишлайди. Ҳакамлар ишини Бахтиёр Тагаев назорат қилади.

Учрашув комиссари : Лазиз Қўчқоров.

Маълумот учун “Қизилқум” – “Машъал” учрашуви Навоийда “Ёшлар спорт мажмуаси” стадионида 22-сентябрь сешанба куни бўлиб ўтади. Учрашув  соат 19:00 да бошланади.

 Ўйин "Дунё бўйлаб " телеканали олқали жонли эфирда узатилади.