Қайднома

Қидирув

ПИТЕР ХЮИСТРА: "Пахтакор"ни жисмонан кучсиз деб ўйламанглар"...

ПИТЕР ХЮИСТРА: "Пахтакор"ни жисмонан кучсиз деб ўйламанглар"...

  25.09.2020 22:22
  0
  173
ПИТЕР ХЮИСТРА:

"Истиқлол" билан ўйиндан аввал "Пахтакор" ёрдамчи мураббийи Питер Хюистра ва ҳимоячи Анзур Исмоилов матбуот анжуманида қатнашди.  
Хюистра: - Гуруҳ босқичини якунладик. Энди бир ўйинлардан иборат плей-оффни ўйнаймиз. Биз бунга тайёрмиз. Барчасини ўйин кўрсатиб беради.   Шота ўзини яхши ҳис қилмоқда. У изоляцияда. Ўтган ўйинни таҳлил қилдик ва навбатдаги баҳсга тайёргарлик кўряпмиз. Барчаси яхши бўлишига ишонамиз. Шота дастлабки кунлари бироз ўзини ёмон ҳис қилди, ҳозирда эса барчаси ортда қолди. У ҳали ёш ва ишга чанқоқ. Эртага Комилов иккита сариқ карточка туфайли эртага майдонга туша олмайди. Қолган барча футболчилар ўйинга тайёр ва соғлом ҳолатда. "Пахтакор"ни жисмонан кучсиз деб ўйламанглар. Биз ҳам икки йилдан буён бу борада меҳнат қиляпмиз. Бу борада ўзимизга ишонч катта.   Биз ўзимизга ишонамиз. Бу йигитлар билан ҳар куни бирга ишлайман ва уларнинг имкониятини яхши биламан. Шу сабабли ҳам уларга ишониб гапирмоқдаман. Охирги йилларни қарасангиз ўзбек клубларида пасайиш бўлди. Лекин икки йил олдин Ўзбекистон U-23 терма жамоаси Осиё чемпиони бўлганди. Ўша жамоанинг кўплаб аъзолари ҳозир "Пахтакор"да ўйнашмоқда. Ўша мусобақадан кейин футболчилар янада кучайишди. Бу футболчилар янги даврни бошлаб беришмоқда. Дастлабки мақсадимиз гуруҳдан чиқиш эди, бу вазифа уддаланди. Энди навбатдаги рақибни мағлуб этишни истаймиз.  
Исмоилов: - Гуруҳдан чиққанимиздан хурсандмиз. Бизни олдинда оғир ўйинлар ва ҳақиқий кураш кутмоқда. Мухлислар ва кўплаб инсонлар “Пахтакор”дан ғалаба ғалаба кутишмоқда. Мақсадимиз фақат ғалаба қозониш. Рақибни яхши биламиз, ўрганиб чиқдик. Бизга қийин бўлади. Ғалаба қозонишимиз кераклигини тушуниб турибмиз. Жамоамиз эртанги ўйинга тайёр. Майдонга фақат ғалаба учун чиқамиз.   Рақиб сафида иккинчи қаватда яхши ўйнайдиган футболчилар бор. Биз ҳам шунга яраша тайёргарлик кўрдик. Жамоамиздаги футболчилар бир-бирини яхши тушунади.  


Манба: pakhtakor.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Вадим Абрамов миллий терма жамоамизни ЖЧ-2022 олиб чиқишига ишонасизми?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz