«Навбаҳор»нинг айни ҳолати наманганлик мухлисларни ранжитаётгани бор гап. Мавсум аввалида ўз олдига жиддий вазифаларни қўйган жамоа аксар ўйинларда рақибларга очко улашмоқда. Лекин «лочинлар» кипери Ўткир Юсуповга жиддий эътироз билдириш ноўрин - у деярли ҳар бир ўйинда ажойиб «сэйв»лар кўрсатиб, «Навбаҳор»ни муқаррар голлардан сақлаб қолмоқда. Биз айнан Ўткирни суҳбатга чорлаб, жамоасининг омадсиз ўйинлари ва ички муҳити ҳақидаги фикрлари билан қизиқдик.
- Аввало, жамоанинг ички муҳити, футболчиларнинг ўзаро муносабатларига тўхталсангиз. Зеро, мураббийлар матбуот анжуманларида бу борада кўп гапирмоқдалар. Қолаверса, футболчиларнинг майдонда ҳам урушиб кетганларини кўрдик...
- Йўқ, ички муҳит жойида. Тушунмовчилик эса ҳар бир жамоада бўлиб турадиган ҳолат, менимча. Ўйлаган ишингиз ўхшамаса, беихтиёр асабийлашасиз, жаҳлингиз чиқади. Баъзан шундай ҳолатларда тушунмовчилик юзага келади.
- Жорий мавсум «Навбаҳор»нинг чемпионлик учун курашиши кутилган эди. Зеро, таркибда тажрибали футболчилар бор...
- Ҳа, мавсум арафасида олдимизга чемпионлик учун курашиш вазифаси қўйилгани ҳеч кимга сир эмас. Ҳали қўлдан келганича охиригача курашамиз. Ҳозирги ҳолатни назарда тутсак, энди бор эътиборни Ўзбекистон кубогига қаратамиз, шекилли. Тушуниш керак, жамоа бир йилда шаклланиб қолмайди, бунга вақт керак. Умуман, нима бўлганда ҳам, финишгача совриндорлар сафига қўшилишдан умид узмаймиз, астойдил ҳаракат қиламиз.
- Марказлашган тизимда ўтказилган турлар ҳақида фикрингиз қандай? Зеро, жамоалар бунга тайёр эмаслиги кўриниб қолди, жумладан, «Навбаҳор» катта муаммоларга учради...
- Аслида карантин даврида бизда ҳеч қандай муаммо йўқ эди. Тошкентга борганимиздан кейин аксарият футболчиларимиз хасталаниб, сафдан чиқишди. Бунинг таъсирида марказлаштирилган 4та турда қимматли очколарни бой бердик. Бор гап шу.
- Статистикага қарасак, «Навбаҳор» асосан 1та гол фарқи билан енгилмоқда. Ғалаба учун омаддан ташқари, яна нима етишмаяпти?
- Ҳа, жорий мавсум кўп ўйинларни 1та гол фарқи билан бой бердик. Вазиятлар яратиляпти, аммо омад келмаса, қийин экан. Ғалаба қозониш учун эса, гол керак. Албатта, қолган ўйинларда самаралироқ ҳаракатланиб, мухлисларни қувонтиришга уринамиз.
- Ўзбекистон кубоги финали «Навбаҳор» стадионида ўтказилади. Бу жамоангиз учун мавсумни соврин билан якунлашнинг энг яқин йўли ҳисобланади...
- Суперлигада ҳаддан зиёд кўп очко йўқотдик. Шундай экан, энди асосий кучни Ўзбекистон кубогига ташлаймиз. Финал учрашувининг Наманганда ўтказилиши бизга қўшимча мотивация бериши керак. Қисқаси, агарда мавсумни соврин билан якунлашни истасак, кубок турнирида ғалаба қозонишимиз шарт.
А.ИСКАНДАРОВ суҳбатлашди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20