Ҳа, бугун "Пахтакор" Осиё чемпионлар лигаси чорак финалида ўйнайди. Ҳа, бугун Тошкентнинг жамоаси форслар устидан ғалаба қозонган тақдирда ҳам ярим финалда Саудия клубларидан бирига тўқнаш келади.
ОФК ҳали мусобақа форматига ўзгартириш киритгани йўқ. Чорак финалдаги ғалаба финалга йўлланма бермайди. Лекин! Бугун "Пахтакор" Ғарбий минтақада плей-оффда иштирок этаётган 3та жамоанинг энг кучлисига қарши майдонга тушади. "Ан-Насср" ва "Ал-Аҳли"га ҳурмат сақлаган ҳолда айтиш керакки, "Персеполис" айни пайтда хавфлироқ жамоа.
Тўғри, бундай босқичларда кучсиз жамоаларнинг ўзи бўлмайди, ҳар бир жамоадан хавф кутиш керак, "ва ҳоказо, ва ҳоказо" каби фикрларни билдириш мумкин. Лекин эйнштейннинг нисбийлик назариясини қўллаган ҳолда айтадиган бўлсак, барибир "Персеполис" нисбатан кучли жамоа. Таркибида эрон миллий терма жамоасининг Саид Жалол Ҳуссайний, Воҳид Амирий каби бир қатор футболчилари тўп сурадиган клубга қарши тушишни кўпчилик футбол мухлислари исташмаётганди. Қуръа эса туғилганидан бери "кўзойнак тақишини" яхши биламиз: яна Эрон, яна форслар...
Гуруҳнинг сўнгги ўйинида ҳам, нимчорак финалда ҳам Эрон клубларини мусобақадан чиқариб юборди жамоамиз. Энди "Персеполис" уларнинг аламини олиш учун ҳам икки карра иштиёқ билан тўп суради. Тўғри, бу жамоада ҳам муаммолар бор. Пандемия ҳамма жамоага бирдек таъсир кўрсатган. Ҳар уч кунда ўйин ўтказиш анча куч талаб қилмоқда.
Футболчилар жисмоний жиҳатдан толиқиб қолишяпти. Агар бугун "Пахтакор" ғалаба қозонадиган бўлса, у ёғи осон кечади. "Персеполис"ни ютган жамоа "Ан-Наср" ёки "Ал-Аҳли"дан ўтишига шахсан мен ишонаман. Сиз-чи?
Ёқубжон Бобожонов
Манба: uzreport.news
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20