Сocа Cola Суперлигасининг 18-турида Муборакнинг  “Машъал” жамоаси   Қаршининг “Насаф”   жамоасига қарши майдонга тушади.

Ушбу жамоаларнинг ўзаро ўйинлари тарихига назар ташлайдиган бўлсак, жамоалар  Ўзбекситон чемпионатида шу кунга қадар 31 бор куч синашишган. Натижалар қаршиликларнинг устунлигини кўрсатмоқда. Бўлиб ўтган 31 учрашувда “Газчи”лар 8 бор,  “Насаф”эса 16 бор ғалабага эришган. 7 учрашувда томонлар муроса кўчасини танлашган. Дарвозаларга жами 76та тўп киритилган  бўлиб тўплар нисбати 28:48 га тенг. Устунлик “Насаф” томонида.

“Машъал” нинг ўзаро ўйинларда қозонган энг йирик ғалабаси – 4:1. “Насаф” да бу кўрсаткич 3:0 бўлиб турибди.

Бу жамоаларнинг 21 июнь куни биринчи давранинг 5-турида Муборакда бўлиб ўтган учрашувида нурсиз дуранг қайд этилганди. Навбатдаги баҳс эса Қарши шаҳрида «Насаф» марказий стадионида 2-октябрь жума куни бўлиб ўтади. Учрашув  соат 18:00 да бошланади.

Қаршида  бўлиб ўтадиган “ Насаф ”  – “ Машъал ” учрашувини  Раҳимбек Каримов бошқариб боради. Унга қанотларда Жалғасбай Сарсенов ва Дамир Искандеровлар ёрдам беришади. Учрашувда захира ҳаками сифатида Аҳмаджон Эргашев ишлайди. Ҳакамлар ишини Ноил Лутфуллин назорат қилади.

Учрашув комиссари : Ойбек Юнусов.