Жозе Моуриньо македониялик журналистни хурсанд қилиш учун матбуот анжуманига қайтди. У эса португалиялик мураббийдан яқинда вафот этган отаси ҳурмати бирга суратга тушишни сўради. «Тоттенхэм» Европа Лигаси учинчи саралаш босқичида Македониянинг «Шкендия» клуби билан ўйнади. Ҳа, Англия жамоаси бош мураббийи Жозе Моуриньо учрашувдан олдин алоҳида матбуот анжумани ўтказди...
Гап шундаки, македониялик журналистлардан бири - Игор Александрович одатий анжуман вақти савол беришга улгурмади ва роса хафа бўлди. Маълум бўлишича, Жозе Моуриньонинг чин мухлиси саналган мухбирнинг отаси яқинда ҳаётдан кўз юмганди. Бундан хабар топган «Тоттенхэм» матбуот хизмати Александрович учун алоҳида учрашув ташкиллаштирди. Яъни Жозе унинг саволига жавоб бериш учун ортга қайтди. Шунда Александрович дилидаги гапларни юзага чиқарди: «Отам хаста бўлиб ётган пайти агар имконият туғилса, сиз билан бирга суратга тушишимни тайинлаганди. У мени худди сиздек тарбиялади. Биламанки, қайси жамоада ишлашингиздан қатъий назар, руҳан тетиксиз - ғалабада ҳам, мағлубиятда ҳам. Отам сизни қаттиқ ҳурмат қиларди. Агар рухсат берсангиз, бирга суратга тушиб, уни марҳум отам қабри устига қўймоқчиман. Ўйин жамоангиз учун яхши кечса, бунга қарши чиқмайсиз, тўғрими?»
Табиийки, Моуриньо журналист гапларидан ғоят таъсирланди ва муносиб жавоб қайтарди: «Катта раҳмат. Суратга тушишим натижага мутлақо боғлиқ бўлмайди. Келинг, агар ўйиндан олдин ёки меҳмонхонада учрашиш имкони туғилса, дарров фойдаланамиз. Имкон топилмаса, ўйин тугагач. Сиз билан суратга тушиш мен учун ёқимли бўлади. Отангиз хотираси ва менга нисбатан муносабати ҳурмати шундай қиламан. Аслида бундай эътиборга лойиқ эмасман».
24 сентябрь куни Скопьедаги «Тоше Проески» стадионида бўлиб ўтган учрашувда «Тотенхэм» 3:1 ҳисобида ғалаба қозонди. Дарвоқе, Моуриньо бу аренага олдин ҳам ташриф буюрган («МЮ» бош мураббийи сифатида) ва шогирдлари билан Европа суперкубоги-2017ни «Реал»га топшириб қўйганди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20