«Вулверхэмптон» тобора португаллашмоқда. Мана, «Барселона»га сиғмаган Нелсон Семеду ҳам «бўрилар» сафига қўшилди. У АПЛда ўз ўрнига эга жамоанинг португалиялик 10-футболчисидир.
*** Родерик Миранда - «Вулвз» одатда португалиялик футболчилар хизматидан ижара асосида фойдаланади, бироқ бу ўйинчини аксинча, шундай сафарга жўнатганди. «Бўрилар» сафида фақат Чемпионшипда ўйнаган (мавсум-2017|2018) Миранда ҳозир жамоа таркибида.
*** Рубен Винагре - 2017 йили ижара келишуви асосида тўп сурган футболчи кейинги мавсумда тўлиқ сотиб олинди. Тўғри, Рубен «Вулвз» таркибида кам кўриниш беради, лекин у ҳали жуда ёш (21 ёш).
*** Рубен Невеш - 2017 йили «Порту»дан харид қилинган футболчи ҳозир жамоа етакчилари қаторида. У 4 мавсумдан буён асосий таркибда ўйнамоқда ва вице-сардор ҳисобланади.
*** Руи Патрисиу - 2018 йилдан буён жамоа дарвозасини ишончли қўриқламоқда. Руи АПЛга йўл олишига қадар бутун фаолиятини «Спортинг»да ўтказган эди (460тадан кўп ўйин).
*** Жоау Моутинью - 2018 йили «бўрилар» сафини тўлдирган Европа чемпиони. Унинг ўрни шубҳасиз, асосий таркибда. Дейлик, охирги икки мавсум АПЛнинг барча ўйинларида иштирок этди.
*** Педру Нету - 2019 йилнинг ёзида «Брага»дан сотиб олинди. Нету «Вулвз» учун АПЛда гол урган илк тинейжер (19 ёшида гол муаллифига айланди).
*** Даниэль Поденсе - «Вулвз»га шу йил «Олимпиакос»дан ўтди.
*** Фабиу Сильва - 2020 йили харид қилинган яна бир футболчи. Эътиборлиси, «Вулвз» «Порту»да оз-моз ўйнаган 18 ёшли йигитча трансферига 40 млн. евро тўлади.
*** Витинья - шу йил айнан «Порту»дан олинган яна бир истиқболли йигит. У ҳозирча ижара муддатини ўтамоқда.
*** Нелсон Семеду - клубнинг охирги трансфери. «Барселона»да 3 мавсум ўйнаган Самеду Европа Миллатлар лигаси ғолибидир.
Португалиялик футболчилар ва бу мамлакат чемпионатида ўйнайдиган легионерлар (мисол учун, мексикалик Рауль Хименес)нинг «Вулверхэмптон»га ёпирилиши 2017 йили бошланди. Португалиялик мутахассис Нуну Эшпириту Санту айни ўша вақт «бўрилар» бошқарувини қўлга олганди. Айтганча, «Вулверхэмптон» яқиндагина Диогу Жота билан хайрлашди - у «Ливерпуль» билан шартнома тузди. Агар Жота кетмаганидами, «Вулвз» таркибини фақат португаллардан тузиш мумкин бўларди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20