Футбол бўйича Англия Премер Лигасининг 4-турида “Эвертон” клуби “Брайтон”ни қабул қилди.

Учрашувнинг 16-дақиқасида Доминик Келверт-Люин ўйиндаги ҳисобни очди. Бунга меҳмонлар биринчи бўлимда Нил Мопенинг киритган тўпи билан жавоб қайтарди. Танаффус арафасида Йерри Мина Ҳамес Родригеснинг узатмасини голга айлантирди.

Иккинчи бўлимда дарвозалар яна уч бор ишғол этилди. Мерсисайдликлар сафида Хамес дублни расмийлаштирган бўлса, ўйин сўнгида Ив Биссума “Брайтон”нинг иккинчи голини урди.

Шу тариқа Карло Анчелотти шогирдлари 2020/21-йилги мавсумдаги ғалабали серияни давом эттирган ҳолда мусобақа жадвалида карвонбошига айланди.

 “Эвертон” — “Брайтон” 4:2

Голлар: 1:0 – 16 Келверт-Люин, 1:1 – 41 Мопе, 2:1 – 45+2 Мина, 3:1 – 52 Хамес, 4:1 – 70 Хамес, 4:2 – 90+2 Биссума.

“Эвертон”: Пикфорд, Дин, Коулмен (Делф, 58), Мина, Кин, Дукуре, Сигурдссон, Девис, Хамес (Уолкотт, 78), Ришарлисон (Ивоби, 25), Келверт-Люин.

“Брайтон”: Раян, Уайт, Данк, Уебстер, Лемпти (Велтман, 46), Биссума, Марч, Алсате (Гросс, 82), Троссард, Мопе, Коннолли (Лаллана, 66).

Огоҳлантириш: Алсате (4).