Германия Бундеслигаси 2-туридан ўрин олган «Герта» - «Айнтрахт» ўйинида меҳмонлар 3:1 ҳисобида ғалаба қозонишди. Лекин мезбонлар ҳам олқиш олишди. Гап шундаки, Берлин клуби бу учрашувда одатий, яъни расмий формаси эмас, истисно тариқасида махсус тайёрланган либосдан фойдаланди. Оддий айтганда, «Герта» формасида клубнинг бош ҳомийси логотипи ўрнида «Паулина учун» ёзуви порлаб турди. Паулина - танасида қон саратони ривожланаётган 9 ойлик қизалоқ. Унга дарҳол қон таҳлили бўйича тўғри келувчи донор топиш керак. Хуллас, «Герта» мухлиси саналган қизалоқнинг отаси ёрдам сўраб, мурожаат қилгач, клуб шундай акция уюштиришга қарор қилди.
Паулинанинг отаси «Герта» электрон почтасига хат ёзгач, жамоа бунга дарҳол реакция билдирди. «Очиғи, аввалига роса иккиландим. Кейин клуб электрон почтасига хат ёзишга аҳд қилдим. Чунки жавоб келмаганида ҳам, ҳеч нарса йўқотмасдим. Мана, «Герта» илтимосимизни ерда қолдирмади ва бунинг учун жамоадан миннатдормиз, бошим осмонга етди», - деди бемор қизалоқнинг отаси.
«Герта» ўз либосида қизалоққа ёрдам зарурлигини билдириш баробарида 17-55 ёш ўртасидаги хоҳлаган соғлом киши таҳлил учун қон топшириши мумкинлигини алоҳида эслатди. Чиқмаган жондан умид - кимнингдир қони тўғри келиб қолиши мумкин. Қанча кўп одам қон топширса, Паулина учун «генетик эгизак» топилиши эҳтимоли шунчалик ошади.
Маълумотларга қараганда, Германияда ҳар 15 дақиқада кимгадир қон саратони ташҳиси қўйилади. Энг ёмони, бу хасталикка чалинган ҳар 10 кишидан бирига мос келадиган қон топиш катта муаммодир.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20