Суперлига 19-туридан ўрин олган "Андижон" - "Сўғдиёна" (1:1) учрашувидан сўнг мезбонлар бош мураббийи Бахтиёр Ҳамидуллаев ўз фикрларини билдириб ўтди.
- Ўйин режа қилганимиздек, старт олди. Афсуски, ўйин ўрталарига келиб, устунликни рақибга бериб қўйдик, шу сабабли муаммога дуч кела бошладик. Ҳимояда иккинчи қаватда жуда кўп ютқаздик, уларда кўплаб вазиятлар юзага келишни бошлади ва шулардан биттаси гол билан тугади.
Ўйлайманки, ютса бўладиган ўйин эди ва керакли очколарни йўқотдик.
- Биринчи бўлимда асосан, Муҳаммадали Юлдашев орқали ҳужумлар ташкил қилинди. Иккинчи бўлимда бу ҳолат деярли кўринмади.
- Ҳа, у ўйин охирига бориб чарчаб қолди. Ўзгартиришга мажбур бўлдик.
- Абдулло Олимов захирадан майдонга тушди. Бунга нима сабаб бўлди?
- Унда озгина жароҳат бор, шу сабабли кўп ўйнай олмасди. Лекин захирадан тушиб, қўлдан келганича жамоага ёрдам берди.
- 1:0 бўлиб турганида, Рустамжон Қўчқоров ҳужумга туширилди, у ўринбосарлар таркибида ҳимояда ўйнар эди. Бу катта камчилик эмасми?
- Йўқ, у аслида ҳужумчи. Ҳимояда муаммолар кўп бўлгани боис ўринбосарлар таркибида химоядан фойдаланганмиз ва бу иш берди.
- "Андижон"ни ўйинчилар тарк этишда давом этмоқда. Тимур Усмонов масаласида қандай фикрдасиз?
- Усмоновни укамдек кўриб, ҳамма нарсани тушунтирдим. Лекин у жамоадан кетиб қолди. Мана, кеча ўринбосарлар таркибида ўйнаган Нодир Мавлоновни мисол қилайлик. Унинг ёши Тимурдан катта, лекин у ўринбосарлар таркибида лом-мим демасдан, майдонга тушиб, гол ҳам урди. Усмонов эса ўзи шу фикрга келди ва кетди.
- Умумий олганда, бугунги натижадан розимиз?
- 10 киши бўлиб қолганимизни инобатга олсак, натижадан қониқдим.
Манба: Championat.asia
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20