Бугун "Манчестер Юнайтед" ўз майдонида "Челси" билан АПЛнинг 6-тур учрашувини ўтказади. Жамоалар "Олд Траффорд" да учрашишади. Учрашув таниқли ҳакам Мартин Аткинсонга ишониб топширилган, Тошкент вақти билан соат 21: 30да баҳсга старт берилади.

"Манчестер Юнайтед"
"Манчестер Юнайтед" учун мавсум боши омадсиз бошланди . Манкунианликлар турли хил ғалабалар ва мағлубиятлар ўйинга етиб келишди. Айни пайтда Оле Гуннар Сулшер жамоаси 6 очкога эга ва АПЛ турнир жадвалида 15-ўринни эгаллаб турибди.Аммо"Челси" га қарши ўйин учун "Манчестер Юнайтед" албатта яхши кайфиятда майдонга тушади , сабаби сешанба куни манкунианликлар "ПСЖ" ни мағлуб этиб, Чемпионлар Лигаси ўйинида муҳим ғалабани қўлга киритдилар.

"Манчестер Юнайтед" да жиддий йўқотишлар йўқ. Гарри Магуайр жамоага қайтди. Сардорнинг қайтиши жамоага ижобий таъсир кўрсатиши керак. Ҳужумчи Антони Марсьяль"Челси" га қарши ўйнамайди. Франциялик футболчи "Тоттенхэм" га қарши ўйинда олинган қизил карточкаси боис учрашувни ўтказиб юборади. Аммо таркибда унинг ўрнини босадиган футболчи бор.
Марсьяль ўрнига ҳали янги жамоада дебютини ўтказмаган "Манчестер Юнайтед" нинг янги ҳужумчиси Эдинсон Кавани асосий таркибда бошлаши мумкин. Бундан ташқари, Мейсон Гринвуд жароҳат туфайли "Юнайтед" нинг сўнгги икки ўйинини ўтказиб юбориб, тўлиқ машғулотларга қайтди.

"Челси"
Френк Лэмпард жамоаси ҳам, Сулшер жамоаси сингари, ҳар хил натижалар билан ҳаракат қилмоқда. АПЛда ўтган 5 турда "аристократлар"икки ғалабани қўлга киритишди, бир марта мағлуб бўлишди ва икки бор дуранг ўйнашди. Ҳозирда "Челси" АПЛ турнир жадвалида 8 очко билан 8-ўринда бормоқда. Лондонликларнинг сонгги ўйини Чемпионлар Лигасида "Севилья" билан бўлган баҳс бўлиб, ушбу учрашув нурсиз дуранг билан якунланди.

Шунингдек, "Челси" энг яхши таркиб билан Манчестерга ташриф буюради . Фақатгина ёш ярим ҳимоячи Билли Гилмор ва дарвозабон Кепа Ариссабалага жароҳати боис ўйинда иштирок эта олишмайди . Хаким Зиеш ва Кристиан Пулишич жароҳатларидан фориғ бўлишди, бундан ташқари, дарвозабон Эдуард Менди тўлиқ соғайиб таркибга қайтди.

Ўзаро учрашувлар  статистикаси
"Манчестер Юнайтед" ва "Челси" 188 марта тўқнаш келишган. Манкунианликлар ҳисобида 78 ғалаба. Аристократлар ҳисобида 54 та ғалаба мавжуд. Жамоалар яна 56 марта дуранг ўйнашган. Ўтган мавсумда "Манчестер Юнайтед" ва "Челси" 4 марта тўқнаш келишган. Премер-лиганинг биринчи тур учрашувида манкунианликлар "кўклар" ни 4: 0 ҳисобида мағлуб этишди.Кейинчалик "Юнайтед" Лига кубогининг 4-босқичида "Челси"ни мағлуб этишди (2: 1). Премер-лиганинг 2-даврасидаги учрашувда "Манчестер Юнайтед" 2: 0 ҳисобида ғалаба қозонди. "Челси" "Юнайтед" ни фақат Англия кубоги ярим финалида мағлуб этди (3: 1).