Ушбу ҳафта Европа Чемпионлар Лигасида 2-тур учрашувлари ўтказилиб, яна кутилмаган натижалар гувоҳига айландик. Айниқса, «Эль-Класико»даги ёрқин ғалабадан сўнг кайфияти кўтарилган «Реал»нинг халқаро турнирда яна очко йўқотгани шов-шув сифатида қабул қилинди.

   «А» гуруҳи. «Локомотив» майдонига сафар уюштирган «Бавария» 2:1 ҳисобида зафар қучди. Шу тариқа Мюнхен жамоаси ЕЧЛда қаторасига 13-ғалабасига эришиб, ўз рекордини узайтирди. Аввалги мавсум ушбу мусобақа бош совринига сазовор бўлган клуб 11та ўйинда ютуққа эришган бўлса, қолган 2 ғалаба жорий мавсумга тўғри келди. «Бавария» ҳужумчиси Томас Мюллер Москвада кечган ўйинда бошланғич таркибда майдонга тушди. Бу мазкур футболчи учун Мюнхен жамоасидаги 545-расмий учрашув бўлди. Ушбу кўрсаткич бўйича Мюллер Клаус Аугенталерга етиб олди. «Бавария» форварди Роберт Левандовски ЧЛ 2-туридирки, самарадорликка эришолмаяпти. Ваҳоланки, ўтган мавсум польшалик футболчи фақат «ПСЖ»га қарши кечган баҳсда гол ёки ассист қайд этолмаганди. Ушбу квартетнинг нариги жуфтлигида «Атлетико» - «Зальцбург»ни 3:2 кўринишида енгиб, дастлабки очколарини қўлга киритди.

   «В» гуруҳи. Аввалги турда Мадриддан ғалаба билан қайтган «Шахтёр» бу сафар ўз уйида «Интер»ни енголмади (0:0). Менхенгладбахнинг «Боруссия»си эса «Реал» билан баҳсда тайёр ғалабани қўлдан чиқарди. Дастлаб 2:0 ҳисобида олдинга чиқиб олган германияликлар учрашувнинг сўнгги дақиқаларида тўп ўтказиб юбориб, дурангга кўнишдан ўзга чора тополмадилар. «Боруссия М» ҳужумчиси Маркус Тюрам ушбу баҳсда «дубль» муаллифига айланди. Бу 23 ёшли франциялик футболчи учун ЧЛдаги дастлабки голлардир. Шу тариқа у собиқ ҳимоячи, отаси Лилиан Тюрамни (69 ўйинда 1та гол) ортда қолдирди. Эътиборлиси, «Реал» вингери Эден Азар жароҳатидан қутулиб сафга қайтди. Винисиус Жуниорнинг ўрнига захирадан тушган бельгиялик футболчи жорий мавсумдаги илк ўйинини ўтказди. У охирги марта 7 август куни «Манчестер Сити» билан ўйинда бошланғич таркибга киритилганди. Энг кутилмаган ҳолат айнан «В» гуруҳида ҳукмрон: 2та ўйинда атиги 1 очко жамғарган «Қироллик клуби» сўнгги поғонани эгаллаб турибди.

   «С» гуруҳи. «Манчестер Сити» Марсель сафаридан 3:0 ҳисобидаги ғалаба ва 3 очко билан қайтди. Ушбу мағлубият «Марсель» учун асосий еврокубокдаги қаторасига 11-мағлубият бўлди. Бу турнир тарихидаги энг ёмон кўрсаткичлардан биридир. Кетма-кет ютқазиш бўйича фақат «Андерлехт» «пешқадам» бўлиб турибди - 12та мағлубият. Гуруҳдаги яна бир учрашув «Порту» ва «Олимпиакос» ўртасида кечиб, унда португалияликлар 2:0 кўринишидаги ғалабага эришдилар.

   «D» гуруҳи. Италияга сафар уюштирган «Аякс» «Аталанта» майдонида ғалабани бой берди - 2:2. «Ливерпуль» эса «Мидтьюллан»ни 2:0 ҳисобида мағлубиятга учратиб, ўз квартетида якка пешқадам бўлиб олди. Қизиғи, мазкур учрашувнинг биринчи бўлимида мерсисайдликлар рақиб дарвозаси томон бирорта ҳам аниқ зарба йўллай олишмади. Сўнгги марта Юрген Клопп жамоаси 2018 йилнинг октябрида «Манчестер Сити» билан ўйинда шундай ҳолатга тушганди. «Ливерпуль» қанот ҳужумчиси Диогу Жота «Мидтьюллан» дарвозасига урилган голлардан бирига муаллифлик қилди. Бу «қизиллар» учун барча турнирлардаги расмий ўйинларда амалга оширилган 10000-гол бўлди.

«А» ГУРУҲИ

27 октябр (сешанба)

«АТЛЕТИКО» - «ЗАЛЬЦБУРГ» - 3:2 (1:1)

Бош ҳакам: Овидиу Хацеган  (Руминия).

Голлар: Льоренте (29), Фелиш (52, 85) -

Собослаи (40), Бериша (47).

Атлетико: Облак, Триппьер, Лоди (Эрмосо, 82), Фелипе, Савич, Эррера (Торрейра, 82), Коке, Корреа, Льоренте, Жоау Феликс, Суарес (Лемар, 82).

Зальцбург: Станкович, Ульмер, Вебер (Онгене, 63), Кристенсен, Рамальо, Юнузович (Ашимеру, 63), Мвепу, Собослаи, Камара, Бериша, Дака (Койта, 30; Окафор, 84).

«ЛОКОМОТИВ» - «БАВАРИЯ» - 1:2 (0:1)

Москва. 8196 томошабин.

Бош ҳакам: Иштван Ковач (Руминия).

Голлар: Миранчук (70) - Горецка (13), Киммих (79).

Локомотив: Гильерме, Серкейра, Живоглядов, Рибус, Игнатьев (Жемалетдинов, 76), Криховяк, Миранчук, Куликов (Лисакович, 89), Чорлука (Райкович, 46), Зе Луиш, Смолов (Рибчинский, 75).

Бавария: Нойер, Павар, Зюле, Алаба, Люка Эрнандес, Горетцка (Хави Мартинес, 46), Киммих, Мюллер (Гнабри, 46), Толиссо, Коман (Дуглас Коста, 69), Левандовски.

3-тур. 3 ноябрь (сешанба)

«ЛОКОМОТИВ» - «АТЛЕТИКО»

«ЗАЛЬЦБУРГ» - «БАВАРИЯ»

1	Бавария	2	2	0	0	6-1	6
2	Атлетико	2	1	0	1	3-6	3
3	Зальцбург	2	0	1	1	4-5	1
4	Локомотив	2	0	1	1	3-4	1

«В» ГУРУҲИ

27 октябр (сешанба)

«БОРУССИЯ» М. - «РЕАЛ» - 2:2 (1:0)

Бош ҳакам: Орель Гринфельд (Исроил).

Голлар: Тюрам (33, 58) - Бензема (87),

Каземиро (90}4).

Боруссия М.: Зоммер, Эльведи, Гинтер, Лайнер, Бенсебайни, Хофманн, Крамер, Штиндль (Вольф, 79), Нойхаус, Плеа (Эмболо, 79), Тюрам (Херрманн, 71).

Реал: Куртуа, Рамос, Варан, Менди, Васкес, Каземиро, Кроос (Модрич, 71), Асенсио (Родриго, 84), Вальверде, Винисиус Жуниор (Азар, 70), Бензема.

«ШАХТЁР» - «ИНТЕР» - 0:0

Киев. 10178 томошабин.

Бош ҳакам: Георги Кабаков (Болгария).

Шахтер: Трубин, Додо, Бондарь, Хочолава

(Матвиенко, 62), Корниенко, Маркос Антонио, Соломон, Тете, Майкон, Дентиньо (Тайсон, 15), Марлос (Алан Патрик, 88).

Интер: Ханданович, Хакими, Бастони, де Врей, Янг (Пинамонти, 85), Барелла, Видаль (Эриксен, 79), Брозович, Д~Амброзио (Дармиан, 80), Мартинес (Перишич, 72), Лукаку.

3-тур.3 ноябрь (сешанба)

«ШАХТЁР» - «БОРУССИЯ» М.

«РЕАЛ» - «ИНТЕР»

1	Шахтер	2	1	1	0	3-2	4
2	Боруссия М	2	0	2	0	4-4	2
3	Интер	2	0	2	0	2-2	2
4	Реал Мадрид	2	0	1	1	4-5	1

«C» ГУРУҲИ

27 октябр (сешанба)

«ПОРТУ» - «ОЛИМПИАКОС» - 2:0 (1:0)

Бош ҳакам: Даниэль Сиберт (Германия).

Голлар: Виейра (11), Оливейра (85).

Порту: Марчесин, Мбемба, Манафа, Пепе, Сануси, Отавио (Груйич, 70), Урибе, Корона (Эванилсон, 69), Фабиу Виейра (Наказима, 60), Марега, Сержиу Оливейра (Ромариу Баро, 89).

Олимпиакос: Жозе Са, Холебас (Рубен Винагре, 70), Рубен Семеду, Сиссе, Рафинья, Бухалакис (Пепе, 84), Ранжелович (Брума, 70), Масурас (Фортунис, 53), Мвила, Вальбуэна (Кока, 84), Эль-Араби.

«МАРСЕЛЬ» - «МАНЧЕСТЕР СИТИ» - 0:3 (0:1)

Бош ҳакам: Тобиас Штилер (Германия).

Голлар: Торрес (18), Гюндоган (76), Стерлинг (81).

Марсель: Манданда, Амави, Сакаи, Балерди, Камара, Товен (Пайет, 78), Ронжье (Сансон, 64), Чалета-Цар, Радонич (Бенедетто, 78), Альваро Гонсалес, Кюизанс (Гуйе, 85).

Манчестер Сити: Эдерсон, Рубен Диаш, Лапорт (Стоунз, 77), Уокер, Зинченко (Жоау Канселу, 68), Фоден, де Брюйне (Палмер, 82), Стерлинг, Гюндоган (Бернарду Силва, 78), Ферран Торрес (Маҳрез, 77), Родри.

3-тур. 3 ноябрь (сешанба)

«ПОРТУ» - «МАРСЕЛЬ»

«МАНЧЕСТЕР СИТИ» - «ОЛИМПИАКОС»

1	Манчестер Сити	2	2	0	0	6-1	6
2	Порту	2	1	0	1	3-3	3
3	Олимпиакос	2	1	0	1	1-2	3
4	Марсель	2	0	0	2	0-4	0

«D» ГУРУҲИ

27 октябр (сешанба)

«ЛИВЕРПУЛЬ» - «МИДТЬЮЛЛАН» - 2:0 (0:0)

Бош ҳакам: Павел Рачковский (Польша).

Голлар: Жота (55), Салоҳ (90}2-пен.).

Ливерпуль: Алиссон, Робертсон, Гомес, Александер-Арнолд, Фабиньо (Уильямс, 30), Милнер, Шакири, Жота (Фирмино, 81), Хендерсон (Вейналдум, 46), Минамино (Салоҳ, 60), Ориги (Мане, 60).

Мидтьюллан: Андерсен, Андерссон, Святченко, Шольц, Паулиньо Силва, Систо (Эвандер, 72), Мабил (Микаэлт Андерсон, 66), Оньека, Дрейер, Каюсте (Краев, 81), Каба (Пфайффер, 81).

«АТАЛАНТА» - «АЯКС» - 2:2 (0:2)

Бош ҳакам: Дамир Скомина (Словения).

Голлар: Сапата (54, 60) - Тадич (30-пен.), Траоре (38).

Аталанта: Спортьелло, Хатебур, Толои, Гимшити, Гозенс, Иличич (Малиновский, 78), Фройлер, Гомес (Муриэль, 78), Пашалич, Ромеро, Сапата.

Аякс: Онана, Мазрауи (Клайбер, 56), Схюрс, Блинд, Тальяфико, Тадич, Классен, Антони (Лабьяд, 90), Гравенберх, Нерес (Промес, 69), Траоре.

3-тур. 3 ноябрь (сешанба)

«АТАЛАНТА» - «ЛИВЕРПУЛЬ»

«МИДТЬЮЛЛАН» - «АЯКС»

1	Ливерпуль	2	2	0	0	3-0	6
2	Аталанта	2	1	1	0	6-2	4
3	Аякс	2	0	1	1	2-3	1
4	Митьюлланд	2	0	0	2	0-6	0

«Краснодар» - «Челси», «Севилья» «Ренн», «Брюгге» - «Лацио», «Боруссия» Д. - «Зенит», «ФеренцВарош» - «Динамо» К., «Ювентус» - «Барселона», «Истанбул» - «ПСЖ» ва «МЮ» - «Лейпциг» учрашувлари  бугун кечқурун бўлиб ўтади.