Ушбу суртада Марчелло Липпи бошқарувида ўйнаган футболчилар рамзий терма жамоаси...

Захира: Анжело Перуцци, Алессандро Неста, Лилиан Тюрам, Массимо Каррера, Фабрицио Раванелли, Антонио Конте, Филиппо Инзаги.

Италиялик маэстронинг деярли 20 нафар юлдузи. Марчелло Липпи - шубҳасиз, жаҳон футболининг бош «фигура»ларидан бири. Яқинда нафақага чиққанини эълон қилган «оқсоч» итальян самарали мураббийлик фаолияти давомида нафақат клублар миқёсида, балки терма жамоа­лар даражасида ҳам катта ютуқларга эришди. У ўтган асрнинг 80-90-йиллари авлоди учун ҳозирги Хосеп Гвардиола даражасидаги мураббийдир. Липпининг айрим шогирдлари ҳаттоки, мураббийлик соҳасида ҳам ўзларини намоён этишга улгуришди. Хусусан, Зайниддин Зидан ва Антонио Конте.

Липпи меҳнат фаолияти давомида нафақат Жанлука Замбротта, Алессио Таккинарди ва Алессандро Дель Пьеро каби ёш иқтидорларни кашф этди, балки Павел Недвед, Жанлуижи Буффондек шаклланган футболчиларни янада юксакликка кўтарди. Тўғри, ҳар қандай мураббийда бўлгани каби Липпи ҳам баъзи буюк ўйинчилар билан келишолмаган. Ёрқин мисол, «оқсоч» Италия футболи тарихидаги энг кучли ҳужумчилардан бири Роберто Баджо билан на «Ювентус» ва на «Интер»да тил топиша олди.

Марчелло Липпи бошқарган клублар: «Аталанта», «Наполи», «Ювентус», «Интер», «Гуанжоу Эвергранд».

Липпи Италияда клуб миқёсидаги барча совринларини «Ювентус» билан қўлга киритган: скудетто (5 марта), Италия кубоги (1 марта), Италия суперкубоги (4 марта), ЧЛ кубоги (1 марта), Европа суперкубоги (1 марта), Қитъалараро кубок (1 марта). «Оқсоч» шунингдек, «Гуанжоу» билан Хитой чемпионатида 3 марта зафар қучди ва 2013 йили ОЧЛда ғалаба нашидасини сурди. Мураббийнинг асосий натижаси - бу 2006 йили Италия миллий жамоасини ЖЧда 4-марта шоҳсупага кўтаргани.