Coca Cola Суперлиганинг 22-туридан ўрин олган «Бунёдкор» - «Бухоро» (1:1) учрашувидан кейин ўтказилган матбуот анжуманининг биринчи қисмида меҳмонлар устози Жамшид Саидов иштирок этди.

- Йигитларга раҳмат айтаман! Сўнгги дақиқаларгача ўйнашди, ҳаракат қилишди. Меҳнатларининг самараси ўлароқ мағлубиятни дуранггга айлантиришди. Биринчи дақиқадаёқ гол ўтказганимиз ҳам эсдан чиқди. Бугун таркибда бир қатор ёшлар ўйнади. Уларда тажриба етишмаганини кўриниб қолди, аммо бу каби ўйинда ёшларга мактаб вазифасини ўтаб беради. Бундай қалтис вазиятда ёшларга имконият берганимнинг сабаби, уларда ўзини кўрсатиш учун энг қулай вақт. Ёшларга бугун имконият бермасак қачон майдонга тушишади? Тўғри, хатолар бор, бу хатоларни тўғирлаш учун биз мураббийлар ҳам бормиз. Яна бир марта футболчиларга борларини бериб ҳаракат қилишгани учун миннатдорчилик билдираман! Бизни яна тўртта ўйин кутиб турибди. Назарий жиҳатдан Суперлигада қолиш имкониятимиз бор. Имкониятимиз бор экан табиийки, охиригача курашамиз. Умид охиригача қолади.