Бугун Ўзбекистон Суперлигаси 22-тур учрашувлари доирасидан ўрин олган сўнгги учрашув “Металлург” ва “Сўғдиёна” ўртасидаги баҳс бўлиб ўтади. Қуйида ушба жамоаларнинг ўзаро ўйинлари статистикаси билан танишинг.

“Металлург” ва “Сўғдиёна” жамоалари бугунгача кучлилар сафида ўзаро 37 та ўйин ўтказишган. Қизиғи шундаки, мазкур жамоаларнинг ўзаро ўйинлардаги кўрсаткичларида мутлақо тенгликни кўрамиз: 15 та учрашувда бекободликлар, 15 тасида жиззахликлар ғалаба қозонишган. 7 та учрашувда эса  дуранг натижа қайд этилган. Киритилган ва ўтказиб юборилган тўплар фарқи ҳам тенг – 51:51.

Мазкур жамоалар ўртасида қайд этилган энг йирик ҳисоб – 4:0. “Сўғдиёна” 2001 йилди ўз майдонида ҳам, сафарда ҳам бир мартадан шундай ҳисобда зафар қучган. Энг голларга бой ўйин 2014 йили Зоминда бўлган учрашувда кузатилган. Унда дарвозаларга тўққизта тўп киритилган.

Маълумот учун мазкур учрашув бугун соат 16:00да Жиззахдаги “Сўғдиёна” марказий стадионида старт олади. Ўйин “Спорт” телеканали орқали тўғридан тўғри эфирга узатилади.