3 ноябрь куни УЕФА Чемпионлар Лигасида 3-турга старт берилиб, унда йирик ҳисоблар ва голларга бой ўйинлар гувоҳига айландик.

«А» гуруҳи. Москвада «Локомотив» меҳмони бўлган «Атлетико» ғалабага эришолмади - 1:1. «Темирйўлчилар» шу тариқа ўз тарихларида 2-марта мадридликлар билан дуранг ўйнашди. Ушбу жамоалар ўртасидаги дастлабки «сулҳ» (3:3) УЕФА кубоги-2007|2008 гуруҳ босқичида тузилганди. «Атлетико» ҳужумчиси Луис Суарес мана беш йилдирки, Чемпионлар Лигасидаги сафар ўйинида майдонни голсиз тарк этмоқда. У сўнгги марта меҳмонда тўп киритганида (2015 йил) «Барселона» аъзоси эди. «Зальцбург» майдонидан ютуқ (6:2) билан қайтган «Бавария» эса Чемпионлар Лигасидаги ғалабали серияни 14тага етказиб, ўз рекордини янгилади.

«В» гуруҳи. «Шахтёр» «Боруссия» Менхенгладбах билан баҳсда шармандали мағлубиятни (0:6) қабул қилиб олди. Биринчи бўлимда тўртта гол урган немислар, танаффусдан кейин рақиб дарвозасини яна 2 марта ишғол қилишди. «Боруссия» М ҳужумчиси Алассан Плеа «хет-трик» муаллифига айланди. «Реал» қийин кечган баҳсда «Интер»ни 3:2 кўринишида мағлуб этди. Мадридликларнинг 2-голи Серхио Рамос ҳисобига ёзилди. Бу мазкур футболчининг барча турнирларда «Реал» учун урган 100-голи бўлди. Рамос «қироллик клуби»да ушбу кўрсаткичга эришган 23-ўйинчига айланди. Ҳозирча жамоанинг 100тадан ортиқ тўп киритган энг сермаҳсул ҳимоячиси сифатида Фернандо Йерро (127) эътироф этилади. Эътиборлиси, Рамос голларининг 55тасини бош билан урган. Мағлуб жамоа - «Интер» сўнгги 7 ўйиннинг атиги биттасида ғалаба қозонди, қолганларида фақат мағлубият ва дуранг қайд этди.

«С» гуруҳи. Ушбу квартет фаворитлари ҳисобланган «Манчестер Сити» ва «Порту» 3-турда рақибларини бир хил - 3:0 ҳисобида енгишди. «Шаҳарликлар» «Олимпиакос» устидан зафар қучишган бўлса, «Порту» ўз майдонида «Марсел»га имконият қолдирмади. «Манчестер Сити» сўнгги 8 ўйинда дарвозаларидан атиги 3 марта тўп олиб чиқишди. Ҳозирча Чемпионлар Лигасида манкунианлар посбонини ранжитиш бир марта - «Порту» футболчисига насиб қилган, холос.

«D» гуруҳи. Бу тўртликда яққол фаворит ажралиб қолгандек - «Ливерпуль». «қизиллар» «Аталанта» майдонидан 5:0 ҳисобидаги ғалаба билан қайтишди. Мазкур учрашувда ғолиб жамоа сафида Диогу Жота 3та тўп киритди. Португалиялик Мерсисайд клубида айни натижага эришган 9-футболчига айланди. Жота «Ливерпуль» таркибидаги 10та ўйинда 7та тўп киритишга улгурди. Шунингдек, голлардан бири Муҳаммад Салоҳ ҳисобига ёзилди. Бу мисрлик форвард учун «қизиллар» либосида ЕЧЛда урилган 21-гол бўлди. Ушбу кўрсаткич бўйича у Стивен Жеррардга тенглашиб, «Ливерпул»нинг Чемпионлар Лигасидаги тўпурарлари рўйхатида қўшҳокимликни таъминлади. «D» гуруҳининг яна бир ўйинида «Мидтьюлланн» ўз майдонида «Аякс»га имкониятни бой берди. Афтидан, 2-ўрин учун кураш айни пайт 4тадан очкога эга бўлиб турган Италия ва Нидерландия клублари ўртасида кечадиган кўринади.

"Реал Мадрид" - "Интер" 3:2
"Альфредо Ди Стефано" стадиони
Голлар: 1:0 – 25 Бензема, 2:0 – 33 Рамос, 2:1 – 35 Мартинес, 2:2 – 68 Перишич, 3:2 – 80 Родриго.

"Реал Мадрид" – Куртуа, Менди, Варан, Рамос, Васкес, Вальверде, Кроос (Модрич, 78), Асенсио (Родриго, 64), Каземиро, Азар (Винисиус Жуниор, 64), Бензема.

"Интер" – Ханданович, Янг, де Врей, Д`Амброзио, Хакими, Барелла (Гальярдини, 78), Видаль (Наингголан, 87), Перишич (Санчес, 78), Брозович, Бастони, Мартинес.

Огоҳлантиришлар: Видаль (44), Менди (48), Брозович (51), Вальверде (62), Барелла (72), Каземиро (85), Куртуа (90).

"Ред Булл" – "Бавария" 2:6
"Ред Булл Арена" стадиони
Голлар: 1:0 – 4 Бериша, 1:1 – 21, пенальти Левандовски, 1:2 – 44, автогол Кристенсен, 2:2 – 66 Окугава, 2:3 – 79 Боатенг, 2:4 – 83 Сане, 2:5 – 88 Левандовски, 2:6 – 90 Люка Эрнандес.

"Ред Булл" – Станкович, Кристенсен, Рамальо, Вебер, Ульмер, Собослаи, Мвепу, Камара, Юнузович (Окугава, 65), Бериша (Онгене, 76), Койта (Окафор, 65).

"Бавария" – Нойер, Боатенг, Люка Эрнандес, Павар (Сарр, 74), Алаба, Гнабри (Дуглас Коста, 90), Толиссо (Хави Мартинес, 74), Мюллер (Мусиала, 90), Киммих, Коман (Сане, 75), Левандовски.

Огоҳлантиришлар: Павар (23), Камара (53), Гнабри (68), Мвепу (85).

"Аталанта" – "Ливерпуль" 0:5
"Адзурри д′Италия" стадиони
Голлар: 0:1 – 16 Диогу Жота, 0:2 – 33 Диогу Жота, 0:3 – 47 Салах, 0:4 – 49 Мане, 0:5 – 54 Диогу Жота.

"Аталанта" – Спортьелло, Мохика (Руджери, 81), Толои, Паломино, Хатебур (Депаоли, 81), Пашалич (Малиновский, 63), Гомес (Ламмерс, 81), Фройлер, Гимшити, Муриэль (Пессина, 53), Сапата.

"Ливерпуль" – Алиссон, Уильямс, Александер-Арнолд (Уильямс, 82), Гомес, Робертсон (Кейта, 65), Салах, Вейналдум (Цимикас, 82), Мане, Джонс, Диогу Жота (Фирмино, 65), Хендерсон (Милнер, 66).

Огоҳлантиришлар: Вейналдум (21), Джонс (21).

"Мидтьюлланд" – "Аякс" 1:2
"MCH Арена" стадиони
Голлар: 0:1 – 1 Антони, 0:2 – 13 Тадич, 1:2 – 18 Дрейер.

"Мидтьюлланд" – Андерсен, Святченко, Андерссон (Колс, 64), Шольц, Паулиньо Силва, Систо, Мабил, Каюсте (Эвандер, 81), Оньека, Дрейер (Краев, 75), Каба (Вибе, 81).

"Аякс" – Онана, Блинд, Схюрс (Альварес, 60), Тальяфико, Мартинес, Промес, Гравенберх, Тадич, Эккеленкамп (Классен, 46), Антони (Траоре, 90), Мазрауи (Клайбер, 77).

Огоҳлантиришлар: Схюрс (25), Вибе (84).

"Манчестер Сити" – "Олимпиакос" 3:0
"Этихад Стэдиум" стадиони
Голлар: 1:0 – 12 Ферран Торрес, 2:0 – 81 Габриэл Жезус, 3:0 – 90 Жоау Канселу.

"Манчестер Сити" – Эдерсон, Уокер (Жоау Канселу, 82), Аке, Стоунз, Зинченко, Ферран Торрес, де Брюйне (Нмеча, 85), Марез (Габриэл Жезус, 69), Гюндоган, Стерлинг (Бернарду Силва, 82), Фоден (Родри, 69).

"Олимпиакос" – Жозе Са, Рубен Семеду, Рафинья, Холебас, Сиссе, Мвила, Камара (Масурас, 73), Ранджелович (Брума, 46), Бухалакис (Пепе, 46), Вальбуэна (Судани, 85), Эль-Араби (Кока, 76).

Огоҳлантириш: Камара (55).

"Порту" – "Марсель" 3:0
"Драгау" стадиони
Голлар: 1:0 – 4 Марега, 2:0 – 28, пенальти Сержиу Оливейра, 3:0 – 69 Диас.

"Порту" – Марчесин, Сануси, Манафа, Мбемба, Сарр, Диас (Накадзима, 75), Отавио (Тареми, 88), Корона (Фабиу Виейра, 85), Сержиу Оливейра (Ромариу Баро, 89), Марега (Груйич, 88), Урибе.

"Марсель" – Манданда, Альваро Гонсалес, Амави, Чалета-Цар, Камара (Стротман, 82), Пайет (Луис Энрике, 65), Ронжье, Товен (Аке, 82), Сансон (Кюизанс, 65), Сакаи, Бенедетто (Жермен, 77).

Огоҳлантиришлар: Сержиу Оливейра (32), Товен (35), Камара (58), Амави (64), Альваро Гонсалес (79), Стротман (86).

Локомотив Россия – Атлетико Испания 1:1

"стадион Локомотив"

Голлар: 0:1 – 18 Хименес, 1:1 – 25, пенальти Миранчук.

Локомотив – Гильерме, Рыбус, Серкейра, Райкович, Игнатьев, Крыховяк, Куликов, Миранчук (Рыбчинский, 89), Живоглядов, Зе Луиш, Смолов (Жемалетдинов, 64).

Атлетико – Облак, Савич, Хименес, Триппьер, Лоди, Эррера, Сауль (Коке, 46), Корреа (Лемар, 69), Льоренте (Витоло, 69; Торрейра, 78), Жоау Феликс, Суарес.

Огоҳлантириш: Суарес (24), Эррера (24), Серкейра (29), Сауль (44), Лоди (49), Крыховяк (51), Райкович (54), Жемалетдинов (70).

 Шахтер Украина – Боруссия М Германия 0:6 

"НСК Олимпийский"

Голлар: 0:1 – 8 Плеа, 0:2 – 17, автогол Бондарь, 0:3 – 26 Плеа, 0:4 – 44 Бенсебайни, 0:5 – 65 Штиндль, 0:6 – 78 Плеа.

Шахтер – Трубин, Бондарь, Додо, Хочолава, Корниенко, Маркос Антонио (Алан Патрик, 46), Марлос (Коваленко, 46), Тете, Соломон, Тайсон (Мораес, 46), Майкон (Степаненко, 69).

Боруссия М – Зоммер, Гинтер, Лайнер (Ланг, 82), Эльведи (Янчке, 82), Бенсебайни, Крамер, Штиндль (Вольф, 69), Хофманн (Лазаро, 75), Нойхаус, Плеа (Траоре, 82), Тюрам.

Огоҳлантириш: Хочолава (46), Соломон (63), Ланг (89).