Қайднома

Қидирув

Дониёрбек Муллажонов: "Бахтиёр Ҳамидуллаев ўзини "юлдуз мураббий" деб ҳисобламоқда"...

Дониёрбек Муллажонов: "Бахтиёр Ҳамидуллаев ўзини "юлдуз мураббий" деб ҳисобламоқда"...

  04.11.2020 16:44
  0
  144
Дониёрбек Муллажонов:

Бош мураббий истефоси кўп муҳокамаларга сабаб бўлмоқда. Аслида вазият қандай эди? Жамоа бош директори Дониёрбек Муллажоновдан ушбу вазиятга изоҳ беришини сўрадик.

"Бахтиёр Ҳамидуллаев масаласи жуда кўп жойда баҳсга сабаб бўлмоқда. Бунга қандайдир қўнғироқ ёки кимларнингдир гап сўзлари сабаб бўлгани йўқ. Бу менинг шахсий фикрим эди.

Биз Ҳамидуллаевга жуда кўп имкониятлар яратиб бердик. Мени фикримча Ҳамидуллаев ижтимоий тармоқларга берган интервюсида айтган гаплари билан ўзини вазиятдан олиб чиқмоқчи бўлмоқда. "Бу футболчилар билан ҳеч нарсага эришиб бўлмайди" деб менга жуда кўп маротаба айтиб келар эди. Мураббий бундай гапларни айтганидан сўнг футболчилардан нима кутиш мумкин? Мураббий масаласи жуда қалтис масала деб ўйлайман. Чунки мураббий қандай тарбия берса, руҳияти қандай бўлса, футболчилар ҳам шунга қараб ўзгаради. Мен ўзгаришларни яхши кўрадиган инсонман ва ҳаммага бир маротаба имконият бераман. Агар қўлидан келса бажариши керак деб ўлайман. Бу менинг ёки Ҳамидуллаевнинг футболи эмас, бу Андижон халқимизнинг футболи!

Ҳамидуллаев ўз интервюсида "мени ишимга аралашишмасин, мен мураббий бўлсам, ўзим ҳал қиламан, нима қилиш кераклигини ўзим биламан" дея гапирипти. Бу гаплар менимча керак эмас эди. Футбол бу миллионлар ўйини, халқ ўйини, бу соҳада кичкинагина хато ҳам қимматга тушиши мумкин. Қолаверса, Мураббий ҳам мураббийлигини қилиши лозим.

Биз жамоани қабул қилиб олганимизда Андижон футболи тарафма-тараф эди. Яни футболчилар алоҳида тараф, мураббий алоҳида тараф, ходимлар эса алоҳида. Бошланишида Ҳамидуллаевга ишонч билдирдик. Тўғри у Андижон фарзанди, қолаверса яхши ҳужумчи бўлган. Лекин аслида "Металлург" билан ўйиндан сўнг унинг жамоадан кетиши аниқ бўлган эди. Чунки жамоани яхши тайёрлай олмаганлиги учун ундан кўп нарса талаб қилмаслигимизни сўраган эди. Унинг айтишича мураббийга катта пул тўласа кейин натижа талаб қилиш керак экан. Ваҳоланки Бахтиёр Ҳамидуллаев ҳали мураббийликда натижалар қайд этмай туриб, ўзини "юлдуз мураббий" деб ҳисобламоқда. Андижон фарзанди бўла туриб бундай гапларни айтишини хато деб биламан. Биз ундай инсон билан қандай ишлаймиз?

Жамоани қабул қилиб олгандан буён жамоага икки миллиард сўмдан ортиқ маблағ сарфладик. Булар ким учун? Ўзимиз учунми? Йўқ бу халқимиз учун, Андижонимиз учун! Инсоннинг ўз манфаатлари биринчи ўринда турар экан, ҳаётда ҳеч нарсага эриша олмайди. Ҳаётда пулдан ҳам муҳимроқ нарсалар бор. Булардан бири ватан туйғуси. Олдинги интервюларимда ҳам айтганман. Бизга туғилиб ўсган ватани, вилояти шани учун жонини бериб ишлайдиган мутахассислар керак эди. Футболчилар масаласига келсак, мен йигитларни анча эркалатиб юбордик деб ўйлайман. Улар орасида йилнинг охиригача бўлган маошини тўлаб берган футболчиларимиз ҳам бор. Биз ҳам шунга яраша натижа талаб қиламиз-да албатта. Жамоа учун олдингидан кўра яхши шароитлар қилиб бердик. Аммо кўраяпсизки натижа йўқ. Нима учун Андижонда футбол бўлмаслиги керак? Агар ҳаммамиз бир ёқадан бош чиқармасак, яна эски тизим, эски фикрлаш ва эски ғоялар билан кетсак, футболимиз ривожланишдан тўхтаб қолади. Биз жамоада яна эски тизимда ишлаймиз деб ҳеч кимга ваъда бермаганмиз, чунки биз эски тизимни кўриб, ўрганиб чиққанмиз. Биз жамоани қабул қилиб олганда нега янги ишчи ходимларни ишга олдик? Сабаби янги инсон, янги ғоя, янги қон бўлишини хоҳладик. Четдан туриб, ёзиш, фикр бериш, гапириш осон. Агар шу гап сўзлар билан бирор нарса ўзгарганида, шу пайтгача ўзгарган бўлар эди. Мен ҳар хил гап сўзларга парво қилмайман. Менинг шахсий фикрим бор. Мени барча тўғри тушинди деб умид қиламан. Биз эътиборимизни гап сўзларга эмас, балки барча эътиборимизни футболга қаратишимиз лозим. Биз яна олдинга юришда давом этамиз. Нима бўлган тақдирда ҳам ортга чекиниш йўқ. Менга бир иккита салбий одамларнинг фикридан кўра, Андижон халқига берган ваъдамиз, уларнинг олдидаги вазифамиз муҳимроқ. Бош мураббий масаласига келсак бу иш 99% ҳал бўлди. Худо хоҳласа бу ҳақида тез орада эълон қиламиз", - дейди Дониёрбек Муллажонов.

"Андижон" матбуот хизмати



InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Вадим Абрамов миллий терма жамоамизни ЖЧ-2022 олиб чиқишига ишонасизми?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz