УЕФА матбуот хизмати Евро-2020 турнири ўйинлари биргина Россияда ташкиллаштирилиши мумкинлиги ҳақида берилган хабарларга кескин муносабат билдирди. «УЕФА президенти Александер Чеферин октябрь ойида Евро-2020 формати ҳақида аниқ-тиниқ фикр айтганди. Шундан буён бу борада ҳеч нарса ўзгармади. Яъни УЕФА ҳамон бўлажак Европа чемпионатини олдин режалаштирилган формат асосида ўтказиш тарафдори. Оддий айтганда, бизда «B» режасининг ўзи йўқ. Тўғри, мезбонлик учун танланган мамлакатлардаги умумий вазиятни кузатиб боряпмиз. Ҳа, Евро-2020 олдин белгиланганидек, 12та эмас, 11та мамлакатда ўтказилиши мумкин. Агар вазият тақозо этса, мезбон мамлакатлар сони 8, 5 ёки 1тага тушиши ҳам ҳеч гап эмас. Лекин ҳозирча бу ҳақда гапириш ортиқча. Ташкилот президенти Чеферин ҳам буни алоҳида таъкидлаганди», - дейилади УЕФА матбуот хизмати баёнотида. Гап шундаки, олдинроқ пандемия ортидан кейинги йилга сурилган қитъа биринчилигининг мезбонлик ҳуқуқи биргина Россияга топширилиши эҳтимоли борлиги ҳақида хабарлар тарқалганди. Жумладан, Франциянинг обрўли нашрларидан бири Le Parisien шу ҳақда ёзди: «Ҳозир давлатлараро қатновлар катта муаммо ва хавфли. УЕФА шуни эътиборга олиб, Евро-2020ни 1та мамлакат - Россияда ўтказиш вариантини ҳам кўриб чиқмоқда. Маълумотларга қараганда, Россияда коронавирус тарқалиши даражаси нисбатан паст. Қолаверса, мамлакат яқинда ЖЧ-2018га мезбонлик қилди ва Европа чемпионати учун ҳам етарли инфратузилмага эга», - дейилганди Франция нашри хабарида.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20