«Барселона» бош мураббийи Роналд Куман Киевнинг «Динамо» клубига қарши бўлиб ўтган ўйин (2:1) борасида ўз фикрини билдириб ўтди. 

"Ўйинни яхши бошладик ва ҳисобда олдинга чиқиб олдик. Кейинчалик иккинчи голни ҳам урдик. Лекин шундан кейин негадир ўйин назоратини қўлдан чиқардик. Ўйлашимча дарвозабонимиз  Марк-Андре тер Штегеннинг ажойиб ўйини эвазига бошқа гол ўтказмадик. Очиғи, бугун тўпсиз ёмон ўйнадик.
Тер Штеген ажойиб дарвозабон. У машғулотда яхши иштирок этади. Бугун эса унинг ажойиб формада эканлигини кўрдик.

Прессинг қилаётган паллада бунда бутун жамоа иштирок этиши керак. Акс ҳолда рақиб учун бўш ҳудудлар юзага келади. Биз эса прессингда ишончсиз ҳаракат қилдик.

Умуман олганда биз, ҳимояда яхши ўйнаймиз, лекин бугун дарвозамиз олдида хавфли вазиятлар юзага келди. Буни муҳокама қиламиз.

Ҳа, Чемпионлар лигасининг 3та ўйинида ғалаба қозондик. Бу бизни қувонтиради. Лекин ўйинимизни кучайтиришимиз керак, айниқса, тўпсиз ҳаракат борасида. Аслида биз бугунги рақибга нисбатан юқори савияда ўйнашимиз керак эди", – деди Куман.