Бироздан сўнг  Англия премер лигаси 8-тур давом эттирилади. ЕЧЛ ва ЕЛда ўз иштирокларини ўтказган жамоалар миллий чемпионатда ҳам ўз ўйинларини ўтказишади. Турнир жадвалида ўзини ўнглай олмаётган жамоалар секин-аста релсга тушиб олишга ҳаракат қилишади. Оддий мисол “Ман.Юнайтед” Карло Анчелотти жамоаси “Эвертон”га қарши меҳмонда ўйнайди. Ушбу ўйиндаги мағлубият эса манчестерликларнинг ўрнига ҳақиқатан таъсир қилади. Келинг шу ва бошқа ўйинларнинг анонсини эътиборингизга ҳавола этамиз:

 07.11  17:30  (Тошкент вақти)  “Эвертон” – “Манчестер Юнайтед”

 Чемпионат стартини ажойиб тарзда бошлаган ливерпулликлар ўтган турда мағлуб бўлишди. Қизиғи Оле Гуннар Сулшер шогирдлари ҳам ўз майдонларида Лондоннинг “Арсенал”ига имкониятни бой берди. МЮ ўзига номуносиб бўлган 15-ўринда, “Эвертон” эса “кучли тўртлик”нинг сўнггида. Меҳмонлар бу мавсумда чемпионатда 6 ўйинда иштирок этган бўлса (2 ғалаба, 1 дуранг, 3 мағлубият), Анчелотти шогирдлари 7 баҳсда иштирок этди (4 ғалаба, 1 дуранг, 2 мағлубият). 7-ноябр куни бўлиб ўтиши режаланган баҳсда “Эвертон” ўз ўрнини йўқотиб қўймасликка ҳаракат қилса, Сулшер шогирдлари хавфли зонага яқин эканликларини ёддан чиқармасдан ўйнашади. Ғалаба сув ва ҳаводек зарур.

 Жамоаларнинг жароҳатланган футболчилари:

 Доминик Калверт-Люин, Мейсон Холгейт, Шеймус Коулман, Жан Филипп Гбамин, Хамес РодриГЭС (“Эвертон”). Фил Жонс, Жесси Лингард, Эрик Байи (“Ман.Юнайтед”).

 07.11  22:30  (Тошкент вақти)  “Челси” – “Шеффилд Юнайтед”

 Ўтган турда “Манчестер Сити”ни ўз уйида қабул қилиб анчагина “қийнаган” “Шеффилд” бу турда Лондонга, “Челси” майдонига сафар қилади. 7 ўйинда ҳали ғалаба қозона олмаган жамоа 1 марта мағлуб бўлган “аристократлар”га қарши ўйинда ғалабага интилиши шубҳасиз. 19-ўрин бу жуда ҳам хавфли жой эканликларини яхши билишади. “Челси” эса Европа лигасига йўлланма берадиган жойнинг сўнггисида ва бу Лемперд шогирдлари учун яхши ҳолат эмас. Мағлуб бўлишга икки жамоанинг ҳам ҳаққи йўқ бўлган ўйин бизни кутмоқда.

 Жамоаларнинг жароҳатланган футболчилари:

 Билли Гилмор, Кепа Аррисабалага (“Челси”). Жек Ўкеннил, Ли Муссе, Саймон Мур, Жон Флек, Арон Ремсдейл (“Шеффилд Юнайтед”).

 08.11  17:00  (Тошкент вақти)  “Вест Бромвич” – “Тоттенхэм”

 Чемпионлик пойгасида олдинга фаол илдамлаётган “Тоттенхэм” ўтган турда ўзидан пастдаги “Фулҳэм”га қарши ўйинда мағлуб бўлган ва ҳозирда аутсайдерлар қаторида кетаётган “Вест Бромвич” билан ўйнайди. Мезбонлар бу мавсумда ҳали ҳамон ғалаба нима эканлигини билмаётган бўлса ҳам, аммо дуранглар бўйича мутахассис (3 дуранг). Табиийки ғалаба зарур. “Тоттенхэм” эса сўнгги 4 турнинг биттасида мағлуб бўлган ва бу сафар ҳам мағлубият аламини тотиб кўришса эгаллаган ўрни билан хайрлашиши аниқ.

 Жамоаларнинг жароҳатланган футболчилари:

 Хал Робсон-Кану, Чарлз Остин, Сем Флид (“Вест Бромвич”). Жафет Танганга (“Тоттенхэм”).

 08.11  21:30  (Тошкент вақти)  “Манчестер Сити” – “Ливерпуль”

 Шу ерда стоп! Юқорида ҳам келтириб ўтдик, кўрдик, барчага ғалаба керак. Барча ўйинда интрига юқори. Лекин ҳеч шубҳасиз турнинг марказий ўйини “Ман.Сити” – “Ливерпуль”. Ортиқча маълумот ёки статистика? Ҳа керак! Бу ўтган йилги чемпионлик учун курашаётган жамоалар эмас. Натижалар ўзгача. Тўғри, ливерпулликлар пешқадам. Аммо биргина қоқилиш умуман бошқача кўринишга келтириб қўяди ҳолатни. Манчестерликлар эса ҳамшаҳарларидан қолишмайдиган ҳолда, 10-ўрин. Базўр ғалаба қозонган иккиси ҳам ўтган турда. Нима бу тур учун асралганми куч? Клопп ва Гвардиола қандай йўл тутади? Ғалаба иккисига ҳам зарур. Хўш, буёғи қандай бўлишини ўйинда кўрамиз. Олдимизда супер жанг!

 Жамоаларнинг жароҳатланган футболчилари:

 Серхио Агуеро, Бенжамен Менди, Фернандино, Габриел Жесус (“Ман.Сити”). Наби Кейта, Фабино, Алекс Окслейд-Чемберлен, Виржил Ван дейк, Жоел Матип, Тяго Алкантара (“Ливерпуль”).

 P.S.: икки жамоанинг жароҳатланган футболчиларини кўриб ўйин сурати ошишини ўйлаб қолдим. Асосий ҳужумчисиз “Ман.Сити”, ярим ҳимоясидан айрилган ливерпулликларга қарши.

Мазкур турда яна қуйидаги учрашувлар ўтказилади:

 07.11  20:00  (Тошкент вақти)  “Кристал Пелас” – “Лидс”

07.11  01:00  (Тошкент вақти)  “Вест Хэм” – “Фулҳэм”

08.11  19:00  (Тошкент вақти)  “Лестер” – “Вулвэрхемптон”

08.11  00:15  (Тошкент вақти)  “Арсенал” – “Астон Вилла”

Оғабек Самисов тайёрлади