«Милан» учун мавсум старти ҳайратланарли кечмоқда. 6 турда 5 ғалаба, 1 дуранг ва «А» серия пешқадамлиги. Аввалги турда «Рома» «россонерлар»нинг ғалабали сериясига барҳам берган бўлса (3:3), ўтган дам олиш кунлари Златан бошчилигидаги футболчилар меҳмонда «Удинезе»ни енгишди (2:1). Бу сафар ҳам Ибрагимович жамоаси жонига оро кирди.
*** Биринчи бўлимда жарима майдончаси ичида яхши очилди, тўпни ўзида сақлаб туриб, шериги Кессиени ажойиб пас билан таъминлади. Ивуарлик футболчи эса чиройли гол урди.
*** Ўйин охирида Ибрагимович яна катта саҳнага чиқди: рақиб ҳимоячиларидан илдамроқ ҳаракат қилган «қария» ғалаба голи муаллифига айланди.
*** Ибра - «А» сериянинг энг яхши тўпурари бўлиб турибди: 6 турда 7та гол (Златан коронавирус ва жароҳатлар сабаб фақат тўртта ўйинда майдонга тушди). Эслатиб ўтамиз, бир ой аввал у 39 ёшга тўлганди.
*** «Милан»га январда келган швед «А» серия доирасидаги 22та ўйинда жамоасининг 23та голида қатнашди (17тасини ўзи урди, 6тасига ассистентлик қилди).
*** Златаннинг Италия чемпионатидаги сермаҳсул серияси 6та ўйинга етди. 1994 йилдан буён бундай кўрсаткични қайд этиш фақат икки футболчига насиб қилган. Мавсум-2000|2001да Андрей Шевченко ва 2012 йилда Ибранинг ўзи.
*** Ибрагимович ҳам шахсий, ҳам клуб рекордини янгилаши мумкин.
***
Златан «Удинезе» билан ўйиндан кейин камтарона фикр билдириб, шерикларини мақтади, чемпионлик ҳақида ўйлашга эрта эканлигини таъкидлади: «Чиройли гол урдим, аммо энг муҳими, ғалаба қозондик - бу гол уч очко масаласини ҳал қилди. Европадаги энг ёш таркиблардан бирига эгамиз, гарчи мен сабабли ўртача ёш кўрсаткичи бироз баландроқ бўлсада. Шерикларим ғалабага чанқоқлар - ҳам ўйинларда, ҳам машғулотларда. Улар сабаб ўзимни навқирон сезяпман. Ҳозирча ҳаммаси яхши давом этмоқда. Ҳар бир учрашув финалга тенг. Кўрамиз, мавсум охирида қайси ўринни эгаллар эканмиз».
***
Стефано Пиоли эса Ибрагимович шаънига мақтовлар йўллашдан тўхтамаяпти: «Скудетто? Златан хоҳлаганини гапириши мумкин. У жамоамизнинг асосий футболчиси. Унинг иқтидори туфайли атрофидагилар ҳам ёрқин кўринишмоқда. Ўйиндан ўйинга олға интиляпмиз - қийинчиликларни енгиб ўтяпмиз. Бугунгидек мураккаб баҳслар туфайли ўсишга эришяпмиз». Шериклари ҳам Ибрагимович билан фахрланишади. Хусусан, Франк Кессие чемпион бўлиш учун Златаннинг ортидан эргашиш кераклигини айтди.
***
Рақобатчилар очко йўқотаётган паллада «Милан» ишончли тарзда уларни ортда қолдириши мумкин. Таркибида Златани бор жамоа бундан ҳам юқорисига қодир, албатта.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20