АПЛ 8-туридан ўрин олган «Эвертон»га қарши баҳсда «МЮ»нинг 3 нафар футболчиси жароҳатланди. Бу ҳақда Goal жамоа устози Оле-Гуннар Сульшернинг сўзларига таянган ҳолда хабар берди. Норвегиялик мутахассиснинг айтишича, Маркус Рэшфорднинг елкаси шикастланган, ҳимоячи Виктор Линделёфнинг бел қисмида муаммо туғилган. Чап қанот ҳимоячиси Люк Шоунинг эса тиззаси лат еган. Сульшер бу борада АПЛ раҳбариятини жиддий танқид остига олди: «Лига мутасаддилари жамоамизга бефарқлар. Чоршанба куни Туркияда ўйнаганимизни била туриб, АПЛ учрашувини шанбага белгилашганини қандай тушуниш мумкин? «Ливерпуль» ва «Манчестер Сити»ни олайлик, ҳар иккиси сешанба куни майдонга тушганди, кейин якшанбада беллашди. Бундай тақвимга ким жавобгар? Футболчилар пандемия даврида нафақат жисмонан, балки руҳан ҳам чарчашаётганини тушунишимиз керак. «Эвертон»га қарши муҳим баҳсни аввалги ўйинимиздан 3 кун кейинга белгилаш адолатданми? Мана оқибати - Люк Шоу жароҳатга йўлиқди...», - деди мутахассис Sky Sports вакилларига берган интервьюсида.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20