Бугун Coca Cola Суперлига 24-тур учрашувлари доирасидан ўрин эгаллаган “Қизилқум” – “Металлург” учрашуви бўлиб ўтади. Қуйида, мазкур жамоаларнинг ўзаро тўқнашувларида қайд этилган статистик маълумотлар билан таништириб ўтамиз.

“Металлург” Навоийнинг  “Қизилқум” жамоаси билан шу кунгача Ўзбекистон чемпионатларида 41 бор куч синашган. Мазкур ўйинларнинг 14 тасида “Металлург” ғалаба қозонган. 11 та учрашувда кучлар тенг келган. 16 та ўйинда эса “Қизилқум” жамоасининг қўли баланд келган. Киритилган ва ўтказиб юборилган тўплар фарқи 56:53, воҳаликлар фойдасига. “Металлург”нинг бу рақиби устидан қозонган энг йирик ҳисобдаги ғалабаси 4:1 (2006, 2019) ни ташкил этади. “Қизилқум” эса битта учрашувда бекободликлар дарвозасига жавобсиз бешта тўп (0:5, 2006) йўллаган.

Ушбу жамоаларнинг Навоийда ўтказилган учрашувларида мезбонлар катта устунликка эга: 11 та ғалаба, 6 та дуранг, 3 та мағлубият, тўплар нисбати – 31:15.

Қуйида мазкур жамоаларнинг Навоий шаҳрида бўлиб ўтган сўнгги олтита учрашувида қайд этилган натижалар билан танишинг:

29.10.2019  “Қизилқум” – “Металлург” – 1:1

05.05.2018  “Қизилқум” – “Металлург” – 1:2

19.11.2017  “Қизилқум” – “Металлург” – 2:1

28.05.2016  “Қизилқум” – “Металлург” – 1:1

05.11.2015  “Қизилқум” – “Металлург” – 1:1

02.11.2014  “Қизилқум” – “Металлург” – 0:0