Қайднома

Қидирув

Мурод Холмуҳаммедов: «Жамоамни ўзгартириш режаси йўқ эмас»

Мурод Холмуҳаммедов: «Жамоамни ўзгартириш режаси йўқ эмас»

  26.11.2020 22:22
  0
  301
Мурод Холмуҳаммедов: «Жамоамни ўзгартириш режаси йўқ эмас»

Ўзбек футболи ҳамиша иқтидорли футболчиларга бой бўлиб келган. Ҳимоя чизиғида ҳам топ даражада ўйнай оладиган чарм тўп усталаримиз етарли. Бутун жамоани майдонда олдинга етаклайдиган ҳимоячиларни ҳам биламиз, кўрганмиз. Яқинда, дастлаб «Пахтакор» сафида танилган, кейинчалик «Сўғдиёна»да ўйнаган, айни пайт «Қўқон-1912» шарафини ҳимоя қилаётган, сўнгги вақтларда Ўзбекистон миллий термаси йиғинларига мунтазам жалб қилинаётган Мурод Холмуҳаммедовдан интервью олдик. Суҳбатимиз «Қўқон-1912»нинг жорий мавсумдаги иштироки, футболчининг фаолияти ва терма жамоа мавзуида бўлди.

- «Қўқон-1912» мавсумни яхши ўтказди. Нима деб ўйлайсиз, қолган турларда жамоа кучли учликка кира оладими?

- Тўғри айтасиз, мавсумни ёмон ўтказмадик, лекин ҳаммаси аъло даражада кечди, деб ҳам бўлмайди. Олдинда ҳали яна ўйинларимиз бор. Биз уларнинг ҳаммасида бор имконият ва кучимизни берамиз, совринли ўринлар учун охиригача курашамиз.

- Жамоанинг мавсум аввалидаги режалари қандай эди? Айни пайтга келиб, улар ўзгардими?

- Йил бошида кучли олтиликка киришни ният қилгандик. Лекин кўриб турганингиздек, мақсадимиздан ҳам юқорироқ ўринларда юрибмиз. Натижамизни яхшилаш учун олдинга интилишдан тўхтамаймиз.

- Нима деб ўйлайсиз, агар карантин бўлмаганида, жамоа чемпионлик учун ҳам кураш олиб бора олармиди?

- Йўқ, бундай деб ўйламайман, жамоамизга карантин таъсир ўтказгани йўқ. Чемпионликка келсак, ҳозирги кунда Суперлигамиздаги ғолиблик йўлида «Пахтакор»га муносиб рақобатчи йўқ, деб ҳисоблайман. Бу жамоа ҳар томонлама профессионал ва кучли.

- Кейинги мавсум жамоани алмаштирасизми?

- Очиғини айтсам, ҳозир бу ҳақда ўйлаётганим йўқ. Чунки олдимизда бошқа вазифа турибди - чемпионатни муносиб тарзда якунлаш. Айни пайт бор эътиборимиз шунга қаратилиши керак. Умуман олганда, кейинги йил жамоамни ўзгартириш режаси ҳам йўқ эмас.

- Терма жамоага ҳам чақириляпсиз, хориж клубларидан таклифлар тушмаяптими?

- Таклифлар бор. Бироқ уларни ҳозир эмас, чемпионат ва шартномам тугаганда албатта кўриб чиқаман.

Оғабек САМИСОВ суҳбатлашди


Манба: interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Вадим Абрамов миллий терма жамоамизни ЖЧ-2022 олиб чиқишига ишонасизми?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz