Ўзбекистонлик ФИФА рефериси Шерзод Қосимов Осиё Чемпионлар лигаси шарқ минтақаси учрашувларида фаолият олиб бориш учун ОФК томонидан Қатарга таклиф этилган эди.
ОЧЛ ғарб минтақаси ўйинлари сингари тўрт гуруҳдан иборат шарқ минтақаси учрашувлари ҳам марказлашган ҳолда Қатарда ўтказилмоқда. 18 ноябрь кунидан давом эттирилган ушбу минтақа ўйинларини бошқариш учун ўзбекистонлик ФИФА рефериси Шерзод Қосимов ҳам Қатарга етиб борган эди.
Tribuna.uz манбасининг маълум қилишича, Шерзод Қосимов ЎФА томонидан Қатардан чақириб олинган. Рефери Доҳадан Тошкентга етиб келган. Ўзбекистонлик ҳакамнинг шарқ минтақаси ўйинларига чақиртирилиб, ҳали бирорта ўйин бошқармай қайтгани сабаби ҳозирча номаълум. Қосимовдан ташқари, ўзбекистонлик ҳакамлар гуруҳида бўлган захира ҳаками Илгиз Танташев, қанот ҳакамлари Галиулин ва Цапенко Қатарда қолган. ОФК ўзбекистонлик ҳакамларни ўйинлардан бирига тайинланганига қарамай, Қосимов Ўзбекистонга қайтиши маълум бўлгач ўша баҳсни бошқа ҳакамлар гуруҳига бериб юборган.
Шерзод Қосимов август ойида «Сўғдиёна» - «Бунёдкор» (3:3) ўйинидаги бир қатор шубҳали қарорлари учун Суперлига баҳсларидан 4та ўйинга четлатилган, аммо бу ҳақда ЎФА томонидан расман эълон қилинмаганди. Сўнгги марта Суперлигада 17 октябрь куни «Машъал» - ОКМК (0:2) учрашувида ишлаган 32 ёшли арбитр бир ойдан ортиқ вақт давомида Суперлига баҳсларига тайинланмаяпти.
Эслатиб ўтамиз, ПФЛ расмий сайти Суперлига 21-тури доирасида 29 октябрь куни ўтказилган «Бухоро» - «Сўғдиёна» (2:5) учрашувини ўзбекистонлик ФИФА тоифасидаги рефери Шерзод Қосимов бошқаришини эълон қилган, ўйин арафасида эса ташкилот Қосимов ўрнига Аҳрол Рисқуллаев тайинланганини маълум қилганди.
Манба: tribuna.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20