Бугун Coca Cola Суперлигасида 25-тур баҳслари старт олади. Тур доирасидан ўрин олган учрашувлардан бири Бекободда “Металлург”ва “Сурхон” жамоалари ўртасида кечади. Қуйида, ушбу жамоаларнинг ўзаро ўйинларига оид статистик маълумотлар билан таништириб ўтамиз.

Мазкур жамоалар кучлилар сафида бугунгача 17 бор тўқнаш келишган бўлиб устунлик пойтахт вилояти вакиллари томонида. Бекободликлар 8 учрашувда ғалаба қозонган, 7 ўйинда кучлар тенг келган, 2 баҳсда эса термизликлар зафар қучишган. Киритилган ва ўтказиб юборилган тўплар фарқи “Металлург” фойдасига – 22:15. Ушбу ўйинларда пойтахт вилояти вакиллари 31, сурхондарёликлар эса 13 очколик бўлишган.

Бекободда кечган 8 учрашувда “Металлург” тўлиқ ташаббусга эга бўлган. Майдон эгалари 7 та ўйинда рақибларини таслим этган бўлса, фақат 1 та ўйинда кучлар тенг келган. Киритилган ва ўтказиб юборилган тўплар нисбати – 14:3, “Металлург” фойдасига.

Қуйида Бекободда бўлиб ўтган барча учрашувлар натижалари билан танишинг:

30.11.2019  “Металлург” – “Сурхон” – 2:0

18.09.2004  “Металлург” – “Сурхон” – 1:0

23.08.2003  “Металлург” – “Сурхон” – 2:0

02.11.2002  “Металлург” – “Сурхон” – 1:0

13.03.2001  “Металлург” – “Сурхон” – 2:1

06.08.2000  “Металлург” – “Сурхон” – 2:1

06.11.1999  “Металлург” – “Сурхон” – 1:1

23.09.1998  “Металлург” – “Сурхон” – 3:0