ЖАҲОН ФУТБОЛИДАГИ ЭНГ ЧИРОЙЛИ ВА ХУНУК ЛОГОТИПЛАР. Ижодкорлар халқаро футбол турнирлари белгиси - логотиплар дизайнига қараб, энг чиройлилари ва кўримсизларини танлади. Биз эса шунга асосан 7та энг чиройли логотипни 7та энг кўримсизи билан солиштиришни лозим топдик. Марҳамат, уларга назар соиб, ўзингиз баҳо беришингиз мумкин.

1-ўрин. УЕФА ЧЛ (чиройли) - УЕФА Конфедерация кубоги (кўримсиз)

1992 йили Европанинг клублар миқёсидаги бош турнири формати мутлақо ўзгарди, жумладан, унинг логотипи ҳам. Aнглиялик дизайнер Фил Клементс дизайни асосида тайёрланган лого чиндан ҳам, гўзал. Бу дизайн махсус сўровда 50та чизма ичидан танлаб олинди. Мусобақа савиясига яраша логотип қисқа вақтда чинакам бренд даражасига кўтарилди. Муҳими, ЧЛ тимсолини бутун дунёда кўпчилик танийди.

Европаликлар камтарин клубларни ўйлаб, 3-даражали турнир - Конференция кубогини йўлга қўйишни лозим топишдию, унга «юз» танлашда эътиборсизлик қилишди. Ранглар уйғунлиги йўқ, боз устига, рамз ЕЛ логотипига бироз ўхшаб қолган. Бу дизайн бўйича янги ғоя йўқлигига ишора.

2-ўрин. КОНКАКАФ

Чемпионлар кубоги (чиройли) - ОФК кубоги (кўримсиз)

AҚШлик дизайнерлардан инқилоб. Бу турнир Европа суперкубоги аналоги. Унда Марказий Aмерика ва Шимолий Aмерика ЧЛ ғолиблари ўзаро куч синашадилар. Мусобақа номи испанча, логотипда эса one ибораси бор - бу дизайнер меҳнати.

ОФК кубоги ЕЛнинг Осиё футболидаги кўриниши. Асосан футболи унча ривожланмаган мамлакатлар клублари учун мўлжалланган турнир логотипи ҳақида ҳазиллар ҳам мавжуд. Бадавлат шайхнинг 10 ёшли ўғли чизган лого - тартибсиз жойлаштирилган ранглар. Боз устига, ранглар ҳеч нимани англатмайди. Яна турнир номи жуда хунук ёзилган.

3-ўрин. Европа Миллатлар лигаси (чиройли) - Европа Лигаси (кўримсиз)

Ўз имиджини топаётган мусобақа. Унинг логотипи - «олов». Европа давлатларини бир байроқ ичида жамлаш - ажойиб ечим. Танланган шрифт ҳам кўзга яқин.

ЕЛга асос солингач, унинг логотипи хусусида катта баҳс борганди. УЕФA якунда кўплаб чизмалар орасидан соврин акс эттирилган логотипни танлади. Компьютер ёрдамида чизиш имкони бор содда эмблема. Яна унинг ранги ҳам мухлисларга маъқул тушмади.

4-ўрин. ОФК ЧЛ (чиройли) - АФК ЧЛ (кўримсиз)

2009 йилгача ОЧЛ логотипи бошқача кўринишда эди. Кейинроқ дизайнерлар унда тўп билан кетаётган футболчи шаклини акс эттиришга уриниб кўришди. Умуман, асосий ҳомийлар ранги туширилган логотип кўтаринки кайфият бағишлайди.

Aфрикада дизайн масаласи орқада. Ҳар ҳолда, қитъанинг деярли барча йирик турнирлари логотипи бир хил кўринишда. Яъни логотиплар ўртасида яққол фарқ йўқ.

5-ўрин. КОНМЕБОЛ «Рекопа» кубоги (чиройли) - АФК Конфедерация кубоги (кўримсиз)

Европа суперкубогининг Жанубий Aмерикадаги аналоги саналган турнир логотипи дизайни осиёликларга тегишли. Хуллас, мусобақа ташкилотчилари қайта жонланган турнирга қитъадошларимиз ёрдами билан ўзгача кўринишга эга лого яратишди.

Африкадаги яна бир турнир логотипи. Унинг айнан қайси мусобақага тегишли эканлигини фақат ичидаги инглизча ёзувдан билиш мумкин.

6-ўрин. КОНМЕБОЛ «Судамерика»­ни кубоги (чиройли) - Африка суперкубоги (кўримсиз)

Турнирда фойдаланиладиган тўпнинг логотипдан ўрин олгани - чиройли ечим. Голни нишонлаётган футболчи шакли ҳам кўзни қувнатади.

Яна Африка, яна «эгизак» логотип. Буниси Aфрика суперкубоги тимсоли...

7-ўрин. КОНМЕБОЛ

Либертадорес кубоги (чиройли) - ОкФК ЧЛ (кўримсиз)

Либертадорес логотипи яқиндагина янгиланди ва мухлислар унга юқори баҳо беришди. Кўпчилик мусобақа бош соврини тимсолнинг бош «фигура»си бўлишини кутганди, лекин дизайнерлар ўзгача услубни танлашди.

Океания минтақасининг клублар ўртасидаги асосий мусобақаси 33 йиллик тарихга эга. Тўғри, орада турнир маълум танаффусга ҳам юз тутган. 1999 йилдан эса, Окенания ЧЛ мунтазам ўтказилмоқда. Бошида ғолиблик асосан Aвстралия клубларига насиб этарди. «Яшил қитъа» футболи кейинчалик Осиёга юзланди, бироқ океа­нияликлар хунуккина эски логотипдан воз кечишмади. Дарвоқе, Aвстралияда худди шундай логотипга эга катта компания ҳам бор.

Ж.БОБОХОНОВ  тайёрлади