“Арсенал» бош мураббийи Микел Артета Англия Премер-лигасининг 17-турининг сафарда бўлиб ўтган учрашувида унинг шогирдлари «Вест Бромвич» устидан 4: 0 ҳисобида ишончли ғалабани қўлга киритишди.

“Премер-лигада кетма-кет учта ўйинда ғалаба қозониш осон эмас. Об-ҳаво яхши бўлган ва шароитлар бироз енгилроқ бўлган даврларда мен ўзимизни ажойиб футбол ўйнагандек ҳис қиламан. Киран Тирни томонидан киритилган биринчи гол ажойиб, иккинчиси комбинацион ўйин орқали ундан ҳам ажойиб бўлди.

Кетма-кет киритилган иккита ажойиб гол «Арсенал» га келажакдаги ғалабалар учун керакли платформани тақдим этмоқда. Энди биз янада хавфли, кўпроқ креатив кўринамиз, бугун бизнинг ҳужумкор ўйинимиз анча яхши чиқди.

Мақсадимизга эриша олганимиздан жуда хурсандман. Энди ҳолат бутунлай бошқача кўринишга эга. Жамоадаги муҳит анча яхши. Ғалабалар катта ишончни келтириб чиқаради ва буни жамоанинг ўйин услубидан кўриш мумкин”, - дея Артетанинг сўзларини келтирмоқда Goal.

Маълумот учун, Микел Артетанинг шогирдлари 17 ўйинда 23 очко тўплаган ҳолда 2020/2021 йилги Англия Премер-лигаси турнир жадвалида 11-ўринни эгаллаб турибди. «Вест Бромвич» эса 8 очко билан - 19-ўринга жойлашган.