Бу икки мураббийнинг ҳисоб бўйича 5-тўқнашуви эди. Эътиборлиси, ўйинларнинг барчасида «Беназир»нинг қўли баланд келган - 5:0. Голлар нисбати ҳам даҳшат - 18:2. Моу бунга қадар «Реал» билан Бьелса бошқарган «Атлетик»ни 4 бора (4:1, 3:0, 5:1, 3:0) енгганди. Бу учрашувда яна Гарри Кейн ва Сон Хюн Мин жуфтлиги бош ролни бажарди. Жумладан, биринчи бўлим охирида Жанубий кореялик футболчи англиялик ҳужумчи узатмасидан сўнг навбатдаги голини нишонлади. Шу билан жорий мавсум АПЛда Кейн - Сон Хюн тандеми яратган голлар сони 13тага етди. Opta портали маълумотига қараганда, АПЛ тарихида 18та турда ҳеч қайси жуфтлик бундай юқори маҳсулдорлик қайд этмаганди.

uw«Ливерпуль» қаторасига 3 йил (2018, 2019, 2020) АПЛда энг кўп очко жамғарган клуб бўлди. «Қизиллар» 2018 йили 88 очко,  2019 йили 98 очко ва 2020 йили 77 очко тўплашди.

uwМаркус Рэшфорд («МЮ») «Вулверхэмптон» дарвозасини 90+3-дақиқада нишонга олиб, жамоасига ғалаба келтирди. Аниқроғи, 92-дақиқаю 51-сонияда.  Бу 2009 йилдан буён «МЮ» томонидан «Олд Траффорд»да қайд этилган энг «кеч» ғалаба голидир. 11 йил олдин Майкл Оуэн «Манчес­тер Сити» дарвозасини 96-дақиқа (95:27)да ишғол қилиб, «МЮ» ғалабасини таъминлаганди.

uw«МЮ» ярим ҳимоячиси Бруну Фернандеш «Астон Вилла»га қарши кечган учрашувда пенальтидан унумли фойдаланди. Факт: португалиялик 26 ёшли футболчи АПЛ ҳисобидан дастлабки 30та ўйинда жамоасининг 33та голида иштирок этди - 19та гол ва 14та самарали узатма. Бу чемпионат тарихидаги иккинчи юқори натижадир. Бу борада рекорд «МЮ»нинг собиқ ҳужумчиси Энди Коулга тегишли - у дастлабки 30та ўйинида  «Гол+пас» тизими бўйича 37 очко тўплаганди. «МЮ» сафида дастлабки 30та ўйинда 19та гол - бу ҳам иккинчи яхши натижадир. Жамоа таркибида энг самарали стартни нидерландиялик Рууд ван Нистелрой (30та ўйинда 22та гол) қайд этганди. Шунингдек, Робин ван Перси ҳам худди Фернандеш каби дастлабки 30та ўйинини 19та гол билан безаганди.

uw«Астон Вилла»га қарши баҳс «МЮ» дарвозабони Давид де Хеа учун АПЛ ҳисобидан 327-ўйин бўлди. Испаниялик кипер шу тариқа «МЮ» сафида АПЛда энг кўп майдонга тушган хорижлик футболчи (Британия фуқароларидан ташқари)га айланди. Хуллас, у ирландиялик Рой Киннинг 15 йил давомида сақланиб турган рекорди (326та ўйин)ни янгилади. Умуман, де Хеа «МЮ» тарихида АПЛда энг кўп ўйин ўтказган футболчилар орасида 5-ўринда: Уэйн Руни (393та), Гари Невилл (400та), Пол Скоулз (499та) ва Райан Гиггз (632та)дан кейин.

uw«Тоттенхэм» ҳужумчиси Сон Хюн Мин «Лидс»га қарши ўйинда клуб сафидаги юбилей - 100-голини нишонлади. Айтиш ўринли, Жанубий Корея термаси етакчиси «шпорлар» сафида 100та гол маррасига етган 18-футболчи бўлди. У 100-голини 253-ўйинида урди.

uw«Шеффилд» АПЛ антирекордини қайд этди. Бунга қадар бирор клуб дастлабки 17та турни ғалабасиз ўтказмаганди.

uwГарри Кейн АПЛ 17-турида бир футболчи голига ассистентлик қилиш бобида чемпионат рекордини такрорлади. У жорий мавсум Сон Хюн Минга 9-марта ассистент ролини бажарди. Аввалроқ бундай натижага Майкл Ньюэлл (Алан Ширерга) ва Стэн Коллимор (Робби Фаулерга) эришгандилар.

16-тур. 28 декабрь

КРИСТАЛ ПЭЛАС - ЛЕСТЕР - 1:1

ЧЕЛСИ - АСТОН ВИЛЛА - 1:1

29 декабрь

ВЕСТ БРОМВИЧ - ЛИДС - 0:5

САУТГЕМПТОН - ВЕСТ ХЭМ - 0:0

БЕРНЛИ - ШЕФФИЛД ЮНАЙТЕД - 1:0

БРАЙТОН - АРСЕНАЛ - 0:1

МЮ - ВУЛВЕРХЭМПТОН - 1:0

30 декабрь

НЬЮКАСЛ - ЛИВЕРПУЛЬ - 0:0

Ливерпуль: Алиссон, Филлипс, Александер-Арнольд, Робертсон, Фабиньо, Жонс (Вейналдум, 68), Милнер (Тьяго Алькантара, 73), Салоҳ (Шакири, 90),  Хендерсон, Мане, Фирмино.

ЭВЕРТОН - МАНЧЕСТЕР СИТИ  ва  ТОТТЕНХЭМ - ФУЛХЭМ  ўйинлари  коронавирус ҳолатлари туфайли қолдирилди.

17-тур. 1 январь

ЭВЕРТОН - ВЕСТ ХЭМ - 0:1 (0:0)

Гол: Соучек (86).

Эвертон: Пикфорд, Годфри, Коулмэн, Мина, Холгейт, Бернард (Хамес Родригес, 64), Дукуре, Сигурдссон (Андре Гомеш, 65), Дэвис, Калверт-Льюин (Тосун, 79), Ришарлисон.

Вест Хэм: Рэндолф, Огбонна, Цоуфал, Доусон, Крессуэлл, Форнальс (Ланзини, 73), Райс, Бенрахма, Соучек, Боуэн (Ярмоленко, 73), Аллер (Антонио, 59).

МЮ - АСТОН ВИЛЛА - 2:1 (1:0)

Голлар: Мартиаль (40), Бруну Фернандеш (61-пен.) - Траоре (58).

МЮ: де Хеа, Байи, Магуайр, Ван-Биссака, Шоу, Бруну Фернандеш (Жеймс, 87), Фред (Туанзебе, 90), Погба, Мактомини (Матич, 65), Мартиаль, Рэшфорд.

Астон Вилла: Мартинес, Конса, Таргетт, Мингз, Кэш, ал /ози (Дэвис, 84), Грилиш, Дуглас Луис, Макгинн, Траоре (Рэмзи, 79), Уоткинс.

2 январь

ТОТТЕНХЭМ - ЛИДС - 3:0 (2:0)

Голлар: Кейн (29-пен.), Сон Хюн Мин (43), Алдервейрелд (50).

Тоттенхэм: Льорис, Доэрти, Дэвис, Алдервейрелд, Дайер, Уинкс (Сиссоко, 76), Хейбьерг, Бергвейн, Ндомбеле (Лукас Моура, 78), Сон Хюн Мин, Кейн (Винисиус, 87).

Лидс: Мелье, Эйлинг, Стрейк, Даллас, Клих, Филлипс, Алиоски (Шеклтон, 64), Харрисон (Поведа, 61), Рафинья, Бэмфорд, Родриго (Эрнандес, 65).

Четлатиш: Догерти (90+2, Т.).

КРИСТАЛ ПЭЛАС - ШЕФФИЛД ЮНАЙТЕД - 2:0 (2:0)

Голлар: Шлупп (4), Эзе (45+6).

БРАЙТОН - ВУЛВЕРХЭМПТОН - 3:3 (1:3)

Голлар: Коннолли (13), Мопе (46-пен.), Данк (70) - Сайсс (19), Берн (34-авт.), Невеш (44-пен.).

ВЕСТ БРОМВИЧ - АРСЕНАЛ - 0:4 (0:2)

Голлар: Тирни (23), Сака (28), Лаказетт (61, 64).

Арсенал: Лено, Тирни, Бельерин (Мэйтленд-Найлз, 54), Мари, Холдинг, Сака (Виллиан, 71), Жака, Смит-Роу (Уиллок, 77), Себальос, Лаказетт, Обамеянг.

3 январь

НЬЮКАСЛ - ЛЕСТЕР - 1:2 (0:0)

Голлар: Кэрролл (82) - Мэддисон (50), Тилеманс (72).

Лестер: Шмейхель, Эванс, Фофана, Кастань, Жастин, Барнс, Олбрайтон, Тилеманс, Н~Диди, Мэддисон (Сеюнжю, 79), Варди.

Челси - Манчестер Сити - 1:3 (0:3)

Голлар: Хадсон-Одои (90+2) - Гюндоган (18), Фоден (21), де Брюйне (34).

Челси: Менди, Зума, Аспиликуэта, Тьяго Сильва, Чилуэлл, Маунт, Ковачич (Хавертц, 77), Зиеш (Хадсон-Одои, 64), Канте (Гилмор, 64), Пулишич, Вернер.

Манчестер Сити: Стеффен, Рубен Диаш, Стоунз, Жоау Канселу, Зинченко, де Брюйне (Агуэро, 86), Фоден (Маҳрез, 86), Родри, Гюндоган (Фернандиньо, 75), Стерлинг, Бернарду Сильва.

4 январь (душанба)

01:00       Саутгемптон - Ливерпуль

БЕРНЛИ - ФУЛХЭМ  ўйини  қолдирилди.

1-тур ўйинлари

12 январь (сешанба)

01:15       Бернли - МЮ

20 январь (чоршанба)

01:15       Манчестер Сити - Астон Вилла

Ўйиндан кейинги фикрлар:

Микель Артета («Арсенал» бош мураббийи): - Рождество байрами кунлари қаторасига 3та ўйинда ғалаба қозониш осон эмас. Бугун иштиёқ юқори бўлгани учун енгил тўп сурдик, менимча. Бунинг ортидан ишончли ғалаба келди. Тўғри, охирги дақиқаларда анча қийналдик. Биринчи голда Тирни қойилмақом даражада ҳаракатланди, иккинчиси - ажойиб комбинация маҳсули. Муҳими, жамоам ҳужумда ёрқин кўринди. Ўйлайманки, ўзгача иштиёқ ва ғалабалар йигитларга янада ишонч бағишлайди. Ўйинимизда тартиб ўрнатилгани, ҳужумда креатив ҳаракатлар кўпайгани ва ҳимояда ишонч юзага келгани яққол кўзга ташланмоқда.

Марсело Бьелса («Лидс» бош мураббийи): - Етарлича вазиятлар яратдик, айниқса, биринчи бўлимда фаол кўриндик. Дейлик, дастлабки 30 дақиқада устунликка эришдик, кейин хатолар бошланди. Иккинчи бўлимда эса ўзимизга ўхшамадик. Ўйин мувозанатини издан чиқарган 2та жиҳат бор - рақиб ҳужумлари ва улар ишини осонлаштирган хатолар. Муҳими, жамоамда ўсишни кўряпман. Бунга қадар «Челси» ва «МЮ»га қарши ўйинларда ўзимизни йўқотиб қўйгандик, бугун уларга нисбатан яхши ҳаракатландик. Ишонинг, ҳали босилмаган қадамларимиз бор...

Жозе Моуриньо («Тоттенхэм» бош мураббийи): - Жуда муҳим 3 очко. Бугун майдонга рақиб кучли кураш тақдим этишини тушунган ҳолда тушдик. Бу борада ўйиндан қониқдим, лекин ҳали янада кўпроқ ишлашимиз керак. Ўзаро тушуниш ҳолати - яхши. «Лидс» билан баҳсда ҳужумда ушбу сифат жуда муҳим роль ўйнайди. АПЛда ажойиб футболчилар кўп, ҳаттоки, қуйидаги клубларда ҳам. Лекин айтишим керак, Сон Хюн ва Кейн жорий мавсум ҳаммадан олдинда.

Тўпурарлар:

Салоҳ (Ливерпуль) - 13та

Сон Хюн Мин (Тоттенхэм) - 12та

Калверт-Льюин (Эвертон) - 11та...

18-тур 12 январь (сешанба)

23:00       Шеффилд Юнайтед - Ньюкасл

01:15       Вулверхэмптон - Эвертон

13 январь (чоршанба)

23:00       Манчестер Сити - Брайтон

01:15       Астон Вилла - Тоттенхэм

14 январь (пайшанба)

01:00       Арсенал - Кристал Пэлас

19 январь (сешанба)

23:00       Вест Хэм - Вест Бромвич

01:15       Лестер - Челси

20 январь (чоршанба)

23:00       Лидс - Саутгемптон

01:15       Фулхэм - МЮ

21 январь (пайшанба)

01:00       Ливерпуль – Бернли.